چین، واشینگتون رهبرلیگینی "تخریباتا سون وئرمهیه" چاغیریب
چین، آمریکا دونانماسینا عایید ساواش گمیسینین جنوبی چین دنیزینه چیخماسینا اعتراض گؤسترهرک واشینگتون رهبرلیگینی منطقهده "تخریباتا سون وئرمهیه" چاغیریب
چین خاریجی ایشلر ناظیرلیگی سؤزچوسو کانق، آمریکا دونانماسینا عایید ساواش گمیسینین جنوبی چین دنیزینه چیخماسینا اعتراض گؤسترهرک واشینگتون رهبرلیگینی منطقهده "تخریباتا سون وئرمهیه" چاغیریب.
ناظیرلیک سؤزچوسو لو، پایتخت پکنده کئچیردیگی مطبوعات کونفرانسیندا آمریکا دونانماسینا مخصوص USS McCampbel آدلی کونتروللو موشک گمیسینین شیشه آدالارینا (Paracel) یاخین سولارا یاخینلاشاراق چینین حاکمیت حاقلارینی، قانونلارینی و بین الخالق حقوقو پوزدوغونو ساووناراک بو اعتراضین باغلی سولاردا باریش، امنیت و سیستمه ضرر وئردیگینی قئید ائتدی.
چینین، بؤلگهیه ساواش گمیسی و اوچاقلاری گؤندرهرک آمریکانی، ساواش گمیسینین بؤلگهدن آیریلماسی اوچون خبردارلیق ائتدیگینی بیلدیرن سؤزچو لو، بو مسئلهده لازیمی اعتراضین آمریکا اورقانلارینا دا چاتدیردیغینی ایفاده ائتدی.
" چین، آمریکانین علاقهدار عملینه قطعیتله قارشی چیخیر و آمریکا طرفینی بو جور تحریک ائدیجی حرکتلره بیر آن اوِل سون قویماغا چاغیریر." دئین لو، اؤلکهسینین حاکمیت و امنیتینی ساوونما اوچون قونو ایله ایلگیلی تدبیرلر آلماغا داوام ائدهجکلرینی سؤیلهدی.
آمریکا دونانماسینا عایید گمینین، ایکی اؤلکهدن یوکسک سویهلی رسمیلرین پکنده تیجاری مذاکیرهلر آپاراجاغی گون شیشه آداسینا یاخین سولارا داخیل اولماسی دقتی چکیب.
آمریکادان داها اوّل ائدیلن آچیقلامادا، گمینین "ترافیک سربستی-سی" چرچیوهسینده وظیفه ایجرا ائتدیگی بیلدیریلمیشدی.
چین، 1947ده ائتدیگی نقشه ایله حاکمیت موناقیشهلرینین یاشاندیغی بؤلگهنین یوزده 80ی اوزرینده حاق ادعا ائدرکن، یئرآلتی ثروتلری باخیمیندان زنگین منطقهده باشدا فیلیپین اولماقلا ویتنام، برونی و مالزینین ده آرالاریندا اولدوغو قونشو اؤلکهلرله حاکمیت موباحیثهلری یاشاییر.
پکن رهبرلیگینین، جنوبی چین دنیزیندکی آدالارلا پایگاه تیکهرک حاکمیت حاقی ادعاسینا، منطقه اؤلکهلرینین یاناشی آمریکا دا قارشی چیخیر.
بین الخالق توپلومدا پاراسل و اسپراتلی کیمی تانینان قروپ آدالار، ویتنام طرفیندن هوانگ سا و تروونگ سا، چین طرفیندن ایسه شیشه و نانشا چونداو آدلانیر.
ایلگیلیلی خبرلر
روسیا آمریکانی اویاردی
"آمریکالی مقاملاری گئری قایتاریلماز نتیجهلری اولابیلهجک یانلیشلارا قارشی اویارماق ایستهییریک"
گونئی کره افریقا اولکه لری ایله امکداشلیغی گوجلندیریر
گونئی کره افریقا اؤلکهلری ایله بیر چوخ ساحهلرده امکداشلیغی گوجلندیرمگی هدفلییر.