آمریکا وطنداشینین بوراخیلماسینی ایستهدی
"جاسوسلوق ائتمک" سوچلاماسی ایله آچیلان جزا دعویسینده ۱۰ ایله ۲۰ ایل حبس جزاسی وئریلیر
1118406
آمریکا بیرلشمیش دؤولتلری خاریجی ایشلر باخانی مایک پومپئو، روسیانین باشکندی موسکوادا گؤزآلتینا آلینان آمریکا وطنداشی پل ولانی سربست بوراخمایا چاغیردی.
روسیا فدرال گوونلیک سرویسی (افاسبی)، موسکوادا جاسوسلوق ائتدیگیندن شبههلهنیلهن بیر آمریکا وطنداشینین ۲۸ دسامبردا گؤزآلتینا آلیندیغینی آچیقلادی.
برزیل دؤولت باشقانی ژائیر بولسونارونون آندایچمه مراسیمینده قونویلا ایلگیلی دانیشان آمریکا خاریجی ایشلر باخانی مایک پومپئو، موسکوادا آمریکا آدینا جاسوسلوق ادعاسییلا گؤزآلتینا آلینان امکلی دنیزچی عسگرین درحال سربست بوراخیلماسینی ایستهدی.
روسیا فدراسیونو قانونلارینا گؤره، ولان حاقیندا "جاسوسلوق ائتمک" سوچلاماسی ایله آچیلان جزا دعویسی ۱۰ ایله ۲۰ ایل حبس جزاسینی ایچریر.