کاتالونیادا اسپانیا قارشیدی ائیلم

ایسپانیانین دوغوسونداکی کاتالونیا اؤزارک یؤنتیمینده باغیمسیزلیق یان‌لی‌سی سیویل هؤرگوتلر، مرکزی حکومتین بارسلونادا توپلاناجاق باخانلار قورولونا قارشی یوللاری قاپاتما ائیلمی باشلاتدی.

باشباخان پدرو سانچزین باشقانلیغین‌دا ائدیله‌جک توپلانتییا اعتراض اوچون سحر ارکن ساعاتلاردا باشلایان ائیلملرده ۲۰یه یاخین یولون ترافیکه قاپاتیلدیغی بیلدیریلدی.

بارسلونانین چئوره شهرلرله ارتباطینی کسمه‌یی آماجلایان ائیلملر چرچیوه‌سینده بارسلونا و تاراگونا لیمانلاری ایله ال پرات و رئوس هاواآلانلارینین گیریشلری ده قیسمی اولاراق ترافیکه قاپاتیلدی. ائیلملردن دولایی اوتوبوس شیرکتلری، گون ایئریسینده‌کی بارسلونا-آندورا کیمی بعضی یوللارداکی سفرلرینی لغو ائتدیکلرینی دویوردو.

دیگر طرف‌دن باخانلار قورولونون بارسلونادا ائدیلمه‌سینین "ایسپانیانین کاتالونیایا قارشی بیر تخریباتی" اولدوغو ادعاسییلا بارسلوناداکی اؤیرنجی درنکلری ده درسه گیرمه‌مه چاغریشی ائتدی.

بعضی مسلک‌لر ده گون ایچین‌ده ایکی ساعات ایش دوردورما ائیلمی ائدجگینی آچیقلادی.

یئرلی ساعات ایله ۰۹.۳۰ (تورکیه ساعاتی ایله ۱۱.۳۰) باشلاماسی نظرده توتولان باخانلار قورولونون ائدیله‌جگی بارسلونا شهر مرکزین‌ده‌کی للوتژا ده مار بیناسی اطرافین‌دا دا مستقیل‌لیک طرفداری غیر حکومت تشکیلاتلاری طرفین‌دن "باریشجیل" گؤستریلر ائدیله‌جگی بیلدیریلدی. باخانلار قورولونون اعتراض گؤستریلرین‌ده تهلوکه‌سیزلیگی و دوزه‌نی تعامین ائتمک اوچون ایسپانیا اولوسال پلیسی، ژاندارما و کاتالونیا یئرلی پلیسین‌دن توپلام ۹ مین تهلوکه‌سیزلیک گؤره‌ولی‌سی، بارسلونایا گؤندریلدی. ایسپانیا اولوسال پلیسی ایله کاتالونیا یئرلی پلیسینین ایلک دفعه بیرلیک‌ده چالیشاجاقلاری قید ائدیلدی. پلیس، یوللاری باغلامایان گؤستری‌چیلره هله مداخیله ائتمه‌دی.

دیگر طرف‌دن بارسلونایا دونن آخشام گئدن ایسپانیا باشباخانی پدرو سانچز، کاتالونیا اؤزارک یؤنتیم حکومتی باشقانی کوئیم تورا ایله بیر توپلانتی گرچکلشدیردی. سانچز و تورانین توپلانتیسینا مرکزی حکومت‌دن و کاتالونیا اؤزارک حکومتین‌دن ایکی باخان دا قاتیلدی.

توپلانتی‌دا "کاتالونیا پروبلئمینه دموکراتیک بیر حل تاپماق اوچون یاپیجی دیالوگ باشلاتما" قرارینین آلیندیغی آچیقلاندی. تورا و سانچزدن ژانویه آیین‌دا بیر دفعه داها گؤروشه‌جکلری ایفاده ائدیلدی. ایسپانیادا آنا مخالیفت‌ده‌کی ساغ گؤروشلو خالق پارتیسینین لیدئری پابلو کاسادو ایسه مطبوعاتا وئردیگی آچیقلامادا، سانچزدن تورا ایله "سانکی بیر باشقا دؤولتین باشقانییمیش کیمی" گؤروشدویونو ادعا ائد‌رک، توپلانتینی ایسپانیا اوچون "اوتانج وئریجی و کیچیک دوشوروجو" اولاراق دگرلندیردی .