ماکرون: معاش لار آرتیریلاجاق"

فرانسا پرزیدنتی امانوئل ماکرون "ساری جیلیقالیلار"ین اعتراضلاری ایله باغلی گؤزلنیلن بیاناتی وئردی.

ماکرون: "اؤلکه‌ده درین و حاق‌لی بیر غضب وار. ایقتیصادی و سوسیال بیر فو ق العاده وضعیت اعلان ائده‌جه‌یم. آیدا 2000 یورودان آز معاش آلان‌لارین معاش لاری آرتیریلا‌جاق" دئدی.

مینیموم معاشا ژانویه آیین‌دان اعتباراً 100 یورو علاوه ائدیله جگینی آچیقلایان ماکرون اؤزل سئکتور نماینده‌لرینه ده عینی آددیمی آتماغی توصیه ائتدی.

پرزیدنت: "داها اول سؤیله‌دیک‌لریمین اینسان‌لاری اینجیتدیگینی بیلیرم. سون 40 ایل عرضینده اینسان‌لارین حیات‌لاری‌نین چتین لشدیگینی گوردوک. بو، هله ده داوام ائدیر. بونونلا باغلی مسئولیتیمی قبول ائدیرم. بیز سون ایل یاریمدا بو پروبلئمله مشغول اولماقدا گئری قالدیق. سیزده داها باشقا اونجه لیکریمین اولدوغو ایزله نیمی وئردیم" دئیه اعتراف ائتدی.

نوماییش‌لردکی شدت حادثه‌لرینی هئچ بیر شکیلده عفو ائده بیلمه‌یه‌جگینی قئید ائدن ماکرون هئچ بیر غضبی‌نین پولیسه قارشی شدته حاق قازاندیرمادیغینی سؤیله‌دی، ساکیتلیگین حاکم اولماسی‌نین اهمیتینی وورغولادی.

تاریخی بیر دؤنوش نقطه‌سینده اولدوق‌لارینی و پروبلئمی دیالوق یولو ایله حل ائده‌جک‌لرینی بیلدیرن فرانسا پرزیدنتی: "پرزیدنت‌لیگه نامیزد اولارکن دئدیک‌لریمی اونوتمامیشام. فرانسادا اوشاق‌لاریمیزین بیزدن داها یاخشی بیر حیات یاشاماسینی ایستییرم" ایفاده‌لرینی ایشلتدی.

ماکرون درین دؤولت اصلاحات‌لارینا احتیاجین اولدوغونو و بو ایستیقامتده خالقین دا فعال ایشتیراکی‌نین ضروری اولدوغونو سؤیله‌دی.

امانوئل ماکرون جانلی یایینداکی بو بیاناتیندان اول 4 هفته‌دیر اعتراض آکسیا‌لاری کئچیرن "ساری جیلیقالیلا"ین

سبب اولدوغو بحرانا حل تاپماق اوچون سندیکا نوماینده‌لری ایله گؤروشموشدو.

اؤلکه‌نین چالیشما ناظیری موریل پنیکو ماکرونون "ساری جیلیقالیلار"ین غضبینی سؤن‌دوره‌جک اهمیت‌لی بیانات‌لار وئرجگینی بیلدیرمیشدی.

قئید ائدک کی، نوامبرین 17-ده فرانسادا یاناجاغین باهالاشماسینا و ایقتیصادی وضعیتین پیسلشمه‌سینه رئاکسیا اولا‌راق باشلایان "ساری جیلیقالیلار"ِین نوماییش‌لری اؤلکه‌ده سون ایللرین ان شدت‌لی اعتراضینا چئوریلیب.

نوماییشچی‌لر فرانسا پرزیدنتی امانوئل ماکرون‌دان یانا‌جاق وئرگی‌لری‌نین آزالدیلماسینی و ایقتیصادی وضعیتین یاخشیلاشدیریلماسینی طلب ائدیرلر.

دسامبرین 1-ده پایتاخت پاریس-ده مین‌لرله اینسانین ایشتیراک ائتدیگی آکسیادا پولیسین نوماییشچی‌لره سرت موداخیله‌سی، کوچه‌لرده ماشین‌لارین و زیبیل کونتینرلری‌نین یاندیریلماسی، ایش یئرلری‌نین تالان ائدیلمه‌سی، قیسا فاصیله‌لرله سس بومبا‌لاری‌نین پارتلادیلماسی و آلوو‌لارین یوکسلمه‌سی شهرده خاوسون یارانماسینا سبب اولموشدو.

حکومت یاناجاغین باهالاشماسی‌نین 2019-جی ایل اوچون دوندورولدوغونو آچیقلامیش، لاکین نوماییشچی‌لر بونون کافی اولمادیغینی بیل‌دیره‌رک، نوماییش‌لری داوام ائتدیرمک قرارینا گلمیشدی‌لر.