جی-20 ایجلاسینین سونوج بیاننامه‌سی
آرژانتیندا تشکیل اولونان جی-20 لیدرلر ایجلاسینین یسونوج بیاننامه‌سینده، اولوسلار آراسی نظمین قایدا‌لارا صادق شکیلده داوام ائتدیریلمه‌سینه قئید ائدیلیب
جی-20 سونوج بیاننامه‌سی
آرژانتیندا تشکیل اولونان جی-20 لیدرلر ایجلاسینین سونوج بیاننامه‌سینده، اولوسلار آراسی نظمین قایدا‌لارا صادق شکیلده داوام ائتدیریلمه‌سینه قئید ائدیلیب.
بیاننامه‌ده گله‌جک اوچون امکداش‌لیق، قالخینما اوچون آلت یاپی، داوام‌لی ارزاق ایستراتژیسی و جنسیته برابرلیگی کیمی موضوعلارین احاطه‌لی شکیلده موذاکیره اولوندوغو قئید ائدیلیب.
باش‌لیجا اولا‌راق اولوسلار آراسی ایقتیصادی سیستمه قئید ائدیلن بیاننامه‌ده، اؤنجه قایدا‌لارا باغلی اولوسلار آراسی رژیمین ایشلدیگین‌دن امین اولماغین اهمیتینه ایشاره ائدیلیب.
اولوسلار آراسی تیجارت قایدا‌لاری‌نین اؤلکه‌لری انگل وضعیته سالینماماسی لازیم اولدوغونا دقت چکیلن بیاننامه‌ده، دونیا تیجارت مرکزی‌نین (WTO) بعضی فونکسیون‌لاری‌نین کیفایت قدر قالدیغینا و بون‌لارین اصلاحاتا ائدیلمه‌سی لازیم اولدوغونا دقت چکیلدی.
بیاننامه‌ده، پاریس ایقلیم آنلاشما‌سی‌نین " گئری دؤندوروله'مز" اولدوغونا وورغو ائدیله‌رک تام معنادا حیاتا کئچیریلمه‌سی‌نین اهمیتینه و ایقلیم دییشیک‌لیگیله موباریزه‌یه ایشاره ائدیلیب.
بیاننامه‌نین نؤوبتی مادده‌سینده ایسه آمریکانین پاریس ایقلیم آنلاشما‌سین‌دان گئری چکیلمه قرارینین آرخاسیندا دایاندیغی و " چئوره'نی قورویا‌راق" بوتون انرژی منبع‌لرینی ان ثمره‌لی شکیلده ایستیفاده ائدجگینی ایفاده ائتدیگی قئید اولونوب.
بئله‌لیکله، سونوج بیاننامه‌سی‌نین ایقلیم دییشیک‌لیگی ایله باغلی بؤلومونه یالنیز آمریکا قوشولمادیغینی بیان ائتمیش اولدو.
بیاننامه‌ده همچینین ترورون هر نؤعونون گوج‌لو شکیلده پیسلندیگینی قئید ائدیله‌رک، (آلمانیا) هامبورگ‌داکی جی-20 ایجلاسیندا بیان ائدیلن ترورلا موباریزه آچیقلاماسی‌نین آرخاسیندا دایاندیغی قئید ائدیلیب.
بیاننامه‌نین سون مادده‌سینده ایسه 2019-جی ایلدکی جی-20 ایجلاسینین ژاپونیادا، 2020دکی ایجلاسین ایسه سعودی عربیستاندا کئچیریلمه‌سینه قرار وئریلدیگی قئید اولونوب.
