دانیمارکا آوروپا اردوسونا مثبت باخمیر

دانیمارکا آوروپا اردوسو ایله باغلی فیکیرلری دستک‌له‌مه‌دیگینی آچیقلادی.

دانیمارکانین مودافعه ناظیری کلاوس هیورت فردریکسن اؤلکه‌سی‌نین 2019-2020-جی ایللرده خاریجی ایشلر و تهلوکه‌سیزلیک سیاستی‌نین تقدیماتی توپلانتی‌سیندا چیخیشی زامانی: "آوروپا اردوسو فیکرینه مثبت باخمیریق، آچیق شکیلده بیلدیردیک. اؤتن هفته فرانسا مودافعه ناظیرینه (فلورانس پارلی) ده آوروپا اردوسو فیکرینی هئچ بیر شکیلده دستکله‌مه‌دیگیمیزی بیلدیردیم" ایفاده‌سینی ایشلتدی.

فردریکسن اؤلکه‌سی‌نین آوروپا بیرلیگی‌نین مودافعه ساحه‌سینده کی طرفداشلیغا قاتیلمادیغینی قئید ائده‌رک، بو مسئله‌نین یئنی‌دن موذاکیره‌یه چیخاریلما‌لی اولدوغونو، لاکین بو آن اوچون رفرندومون گوندمده اولمادیغینی سؤیله‌دی.

خاریجی ایشلر ناظیری آندرس سامولسن ده بورادا ائتدیگی چیخیشیندا فرانسا پرزیدنتی امانوئل ماکرونون: "اؤزوموزو چین، روسیا و امریکادان مودافعه ائتمک مجبوریتیندییک" سؤزونه ایستینا‌دن: "امریکایا قارشی اؤزوموزو قورویاجاغیق دئیه بیر شئی یوخ. امریکا آزادلیغی مودافعه‌نین مهک داشی‌دیر. امریکا سون دؤورده آوروپادا باش وئرن‌لرله اول اولدوغون‌دان داها چوخ ماراق‌لانیر" شکلینده دانیشدی.