لیبی کونفرانسی سونا چاتدی
ایتالیا باش ناظیری جوزپه کونته، لیبی'ده داوام ائدن سیاسی کریز باره'سینده، " چؤزوم، زورلا کناردان گتیریلمز." دئدی
ایتالیا باش ناظیری جوزپه کونته، لیبی'ده داوام ائدن سیاسی کریز باره'سینده،
" چؤزوم، زورلا کناردان گتیریلمز." دئدی.
کونته و بیرلشمیش میللتلر (بمت) لیبی اؤزل تمثیلجیسی غسان سلامه، ایتالیانین پالرمو شهرینده ایکی گون داوام ائدن بین الخالق لیبی کونفرانسیندان سونرا بیرگه مطبوعات کونفرانسی کئچیریب.
کونفرانس باشلامازدان اوّل لیبیدکی طرفلرین ایشتیراکینا خصوصی اهمیت وئردیکلرینی قئید ائدن کونته،
"لیبی'ده 6 میلیون اینسان سئچیملردن بری و بونون رئاللاشماسی اوچون داها چوخ گؤزلهیه. لیبی ایله ایقتیصادی و مدنی علاقهلریمیز وار. بو سببدن اؤزوموزو مسئول حیس ائدیریک. اؤزوموزو ایناندیرمامالیییق اما اونو دا دئملیگیک کی لیبیده باریش موضوعسوندا اهمیتلی بیر مرحله قئید ائدیلیب." ایفادهلرینی ایستیفاده ائتدی.
"لیبیده چؤزوم، زورلا کناردان گتیریلمز." دئین کونته، ایتالیا و بین الخالق جمعیتین بو اؤلکهده نظامی اوردو قورولماسینا دستک اولماسی لازیم اولدوغونو سؤیلهدی.
سلامه ده کونفرانسی اوغورلو گؤردوغونو قئید ائدهرک،
" لیبی خالقینا باریش، امنیت و ریفاه گتیرمک اوچون اهمیتلی بیر آددیم اولدو. لیبی خالقی ایندی یاشادیقلاریندان داها یاخشی حیاتی حاق ائدیر." دئیه دانیشدی.
کونفرانسدا ایشتیراک ائدن لیبیلی طرفلرین ثابتلیک اوچون "جیدی بیر مسئولیت" اوسته'لندیغینی دیله گتیرن سلامه،
" ژانویه آییندا لیبیده کئچیریلهجک میللی کونفرانس دا پالرمو سایهسینده آسانلاشیب." ایفادهلرینی ایستیفاده ائتدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.