فرانسادا پکاکا یانداشلارینا حبس جزاسی
گؤزآلتی سورهلرینین سونا چاتماسی ایله پکاکا یانداشی ۱۱ نفر عاجل یارغیلاما اوصولو ایله محکمهیه چیخاریلدی
فرانسانین استراسبورگ شهرینده دوزنلنن بیر ائیلم سیراسیندا داشقینلیق ائدرک آوروپا اینسان حاقلاری محکمهسی و آوروپا شوراسینا سالدیران بؤلوجو ترور هؤرگوتو پکاکا یانداشی ۱۱ نفره حبس جزاسی وئریلدی.
گؤزآلتی سورهلرینین سونا چاتماسی ایله پکاکا یانداشی ۱۱ نفر عاجل یارغیلاما اوصولو ایله محکمهیه چیخاریلدی.
استراسبورگ محکمهسی، ائیلم سیراسیندا پلیسه، اطرافداکیلارا داش و تهلوکهلی ماده آتدیغی معین ائدن بیر نفری۲ آی قطعی حبس جزاسینا چارپدیراراق، حبسخانایا گؤندریلمهسینه قرار وئردی. محکمه آیریجا بو شخصه ۲ ایل فرانسا سرحدلری خاریجینه چیخما قاداغاسی گتیردی.
گؤزآلتینا آلینانلاردان ۸ینه ۴ آی ارتهلنمیش حبس جزاسی وئریلرکهن سوچونو قبول ائدن بیر پکاکا یانداشی ایسه ۳ آی حبسه محکوم ائدیلدی.
یارغیلانان پکاکا طرفدارلاریندان بیری ایسه سربست بوراخیلدی.
استراسبورگدا چرشنبه گونو بؤلوجو ترور هؤرگوتو تروریست باشینین حبسینی بهانه ائدن و آوروپا شوراسی قارشیسیندا توپلانان پکاکا طرفدارلاری داشقینلیق ائدرک اطرافا سالدیرمیشدی.