اوشاقلار آراسیندا انتحار ان یوکسک سویهده
درس ایلین اولیندن مارس آیینا قدر، ایلک و اورتا اوخول دؤوروندهکی ۲۵۰ اوشاق انتحار ائتدی
ژاپندا ایلک، اورتا و سون اوخوال اؤیرنجیلری آراسیندا انتحار، سون ۳۲ ایلین ان یوکسک سویهسینه چیخدی.
یئتکیلیلر، بعضی اوشاقلارین عائله و اوخول پروبلئملری و یا یاشیدلارینین زوراکیلیقلاری سببی ایله حیاتلارینا سون وئردیکلرینی سؤیلهدی.
رسمی رقملره گؤره، ۲۰۱۶-۲۰۱۷.جی درس ایلین اولیندن مارس آیینا قدر، ایلک و اورتا اوخول دؤوروندهکی ۲۵۰ اوشاق انتحار ائتدی.
بو رقمین، ۲۶۸ اوشاغین انتحار ائتدیگی ۱۹۸۶دان بو یانا اولکهده گؤرولهن ان یوکسک سویه اولدوغو بیلدیریلرکن، انتحارلارین آرخاسیندا عائله ایچی پروبلئملر، گلهجک قایغیسی و اوخولدا قارشیلاشیلان زوراکیلیق اولدوغو بیلدیریلدی.
انتحار ائدن ۱۴۰ قدر اؤیرنجینین آرخالاریندا هر هانسی بیر یازی قویمامالاری سببی ایله، اؤزلرینی انتحارا سوروکلهیهن سببلرین ایسه معین اولونمادیغی وورغولاندی.
ژاپن تحصیل باخانلیغیندان نوریاکی کیتازاکی،
"اؤیرنجیلر آراسیندا انتحار نیسبتی یوکسک. بو، اله آلینماسی لازیم اولان و قایغی وئریجی بیر مسئله" دئدی و انتحارلارین سببلرینی معین ائتمهنین چتینلیینه دقت چکدی.
ژاپندا انتحار نیسبتینین سون ۱۵ ایلده ثابت شکیلده آزالدیغی قید ائدیلرکهن، اوشاق انتحارینین هلهده یوکسک اولدوغو و گنجلرین اؤلوم سببلری آراسیندا باشی چکدیی بیلدیریلدی.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب