جان بولتون روسیادا سفرده دیر
روسیا خاریجی ایشلر ناظیری سرگئی لاوروف امریکا پرزیدنتی‌نین میللی تهلوکه‌سیزلیک مسئله‌لری عذره موشاویری جان بولتون ایله پایتاخت موسکو-دا گؤروشدو.
روسیا خاریجی ایشلر ناظیری سرگئی لاوروف امریکا پرزیدنتی‌نین میللی تهلوکه‌سیزلیک مسئله‌لری عذره موشاویری جان بولتون ایله پایتاخت موسکو-دا گؤروشدو.
لاوروف-بولتون گؤروشونده سوریه، افغانیستان، اوکراینا و قوزیی کره ده داخیل اولماقلا، گونجل مسئله لر اطرافیندا فیکیر موبادیله سی آپاریلیب.
گؤروشده بولگه سل پروبلئم‌لرین حلی، ترورلا موباریزه و ایستراتژی ثابیتلیگین تامین اولونماسی کیمی اؤلکه‌لر آراسینداکی قارشی‌لیق‌لی تأثیره عایید گؤزلنتی‌لر موذاکیره ائدیلدی.
روسیا مودافعه ناظیری سرگئی شویگو گؤروش‌دن سونرا وئردیگی آچیقلامادا دونیادا امریکا ایله بیر سیرا پروبلئمین حل ائدیله بیله جگینی سؤیله‌دی.
شویگو روس و امریکا اردوسونون خصوصیله، قاینار نقطه‌لرده تماس قوردوغونو خاطیرلادا‌راق: "بو، طبیعی کی، داوام‌لی اولا‌راق چالیشدیغیمیز سوریه اوچون ده کئچرلی‌دیر. امریکالی مسلکداش‌لاریمیزلا علاقه ساخلاییریق" دئدی.
شویگو روسیا و امریکانین داها آکتیو دیالوقا احتیاجی اولدوغونو دا وورغولادی.
جان بولتون روسیا ایله دیالوقون آرتیریلماسینا اومید ائتدیگینی سؤیله‌دی.
امریکا پرزیدنتی دونالد ترامپین و روسیا جمهور باشقانی ولادیمیر پوتین‌ین ایکی اؤلکه آراسینداکی دیالوقو گئنیشلن‌دیرمک و درین‌لش‌دیرمک اوچون اونلارا اهمیت‌لی وظیفه‌لر وئردیک‌لرینی بیل‌دیرن بولتون: " سوریه-ده کی موناقیشه‌لرین قارشی‌سی‌نین آلینماسی ایله باغلی موذاکیره‌لرین چوخ اوغورلو و فایدا‌لی اولدوغونا، بو دیالوقو گئنیشلن‌دیره‌رک دیگر مسئله‌لری موذاکیره ائدجگیمیزه اومید ائدیریک" دئدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
