آمریکا خزینه ناظیری استیون منوچین ریاض'دا
آمریکا خزینه ناظیری استیون منوچین، سعودی عربیستانینین باشکندی ریاض'دا، ولیعهد پرنس محمد بن سالمان ایله بیر آرایا گلدی
آمریکا خزینه ناظیری استیون منوچین، سعودی عربیستانینین باشکندی ریاض'دا، ولیعهد پرنس محمد بن سالمان ایله بیر آرایا گلدی.
سعودی عربیستانی اینفورماسیون آژانسی ایسپا، گؤروشمه'ده طرفلرین ایکی اؤلکه آراسینداکی ایستراتئژی طرفداشلیق ایله سعودی عربیستانینین 2030 پرسپکتیولری ایستیقامتینده بو طرفداشلیغین گلهجک رولونون اهمیتینه وورغو ائتدیگینی بیلدیریب.
ایکی طرف آراسینداکی تیجارت ایله یاتیریم علاقهلری و اینکیشاف ائتدیریلمهسینین یوللاری اوزرینده دایانیلان گؤروشمه'ده همچینین، ترورون مالیلشدیریلمهسی و یاسا دیشی و روشوته قارشی موباریزه مسئلهلرینین موذاکیره اولوندوغو قئید ائدیلیب.
گؤروشمه'ده سعودی عربیستانینین واشینگتونداکی سفیری خالید بن سالمان بن عبدالعزیز، مالیه ناظیری محمد جدان، آمریکانین اریاض سفیرلیگی میسیون باشقان معاوینی مارتین استرونگ'ون دا قاتیلدیغی بیلدیریلیب.
خبرده، منوچین ایله شاهزاده محمدین گؤروشمه سینده قاشیقچی حادیثهنین گوندمه گلیب گلمدیگینه دایر معلومات وئریلمهدی.
منوچین، قاشیقچی حادیثهسیندن سونرا اریاضا گیدئن ایکینجی یوکسک سویهلی آمریکا مسئول اولاراق دقتی چکیر.
آمریکا خاریجی ایشلر ناظیری مایک پومپئو دا قاشیقچی حادیثهنین تعقیبی مقصدیله اوکتوبرین 16-ده اریاضا سفر ائتمیشدی.
واشینگتون پوست قزئتینین مؤلفی سعودی ژورنالیست جمال قاشیقچی، 2 اوکتوبر 2018 چرشنبه گونو رسمی پروسهدورلار اوچون سعودی عربیستانینین ایستانبول باش کونسوللوغونا گئدندن سونرا اورتادان غیب اولموشدو.
سعودی عربیستان رهبرلیگی، 20 اکتوبردا، قاشیقچینین "کونسوللوق بیناسیندا باش وئرن داوا-دالاش نتیجهسینده اؤلدوگونو" آچیقلامیشدی.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب