جیمز متیس تورکیه ایله باغلی آچیقلاما وئریب

امریکا مودافیه ناظیری جیمز متیس تورکیه ایله سوریه-نین منبیچ بؤلگه سی ده داخیل اولماقلا بیر چوخ مسئله نی موذاکیره ائتدیکلرینی و بو بؤلگه ده کی بیرگه نظارت فعالیتلری‌نین یاخین زاماندا باشلایاجاغینا امین اولدوغونو دئییب.

جیمز متیس پنتاقوندا باش قرارگاه رئیسی، ژنرال جوزف دانفوردلا بیرگه مطبوعات کنفرانسی کئچیریب.

متیس تورکیه ایله باغلی بیر سوا‌لی جاوابلان‌دیرا‌راق دئییب: "دونن تورکیه-نین مودافیه ناظیری ایله تلفون علاقه سی ساخلامیشام. منبیچ مسئله سی باشدا اولماقلا بیر سیرا مسئله نی موذاکیره ائتدیک. یاخین زاماندا منبیچدکی بیرگه نظارت فعالیتلریمیزین باشلایاجاغینا امینم".

جوزف دانفورد ایسه اؤز نوبه سینده منبیچ ده کی بیرگه نظارت فعالیتلری‌نین یاخین زاماندا باشلاماسی اوچون حاضرلیق‌لارین داوام ائتدیگینی بیلدیریب.