نیکولاس مادورو، آمریکانین، آراشدیرمایا یاردیمچی اولماسینا ایجازه وئرجک
مادورو، آمریکا حکومتی، سوروشدورما اوچون آمریکا فدرال سوروشدورما بوروسونون ایش بیرلیگی تکلیف ائدیر، یا دا ایش بیرلیگی تکلیفینی تصدیق ائتسه، بونو قبول ائدیرم." دئیه دانیشدی
ونزوئلا پرزیدنتی نیکولاس مادورو، آمریکا فدرال سوروشدورما بوروسونون، اؤتن هفته اونا قارشی ایکی درون ایله کئچیریلن بومبالی سالدیری تشببوسو ایله باغلی آراشدیرمایا یاردیمچی اولماسینا ایمکان وئرجگینی بیلدیریب.
بی.بی.سی-نین خبرینه گؤره، سوی-قصد تشببوسو ایله علاقهلی اولدوغونو دوشوندوگو شخصلرین فلوریدایا، پرویا و کولومبیایا قاچدیغینا ایناندیغینی ایفاده ائدن مادورو،
آمریکا حکومتی، سوروشدورما اوچون آمریکا فدرال سوروشدورما بوروسونون ایش بیرلیگی تکلیف ائدیر، یا دا ایش بیرلیگی تکلیفینی تصدیق ائتسه، بونو قبول ائدیرم." دئیه دانیشدی.
مادورو، چوخ سایدا ونزوئلالی کؤچکونون یاشادیغی آمریکانین فلوریدا ایالتینده، سوی-قصدین پلانلاشدیردیغینی ایرهلی سوردوگو "ترور حوجرهلرینین" اولدوغونو و بونلارین یوخ ائدیلمهسی لازیم اولدوغونو قئید ائتدی.
مادورو، همچینین، پرو حکومتینه ده اؤلکهده یاشایان شوبههلیلری اعاده ائتمهیه چاغیریب.
ونزوئلا پرزیدنتی نیکولاس مادورو، اؤتن هفتهنین شنبه گونو پایتخت کاراکاس دا بیر مراسیمده چیخیش ائتدیگی زامان پارتلاییجی یوکلو درونلار ایله سالدیری تشکیل ائدیلمیشدی.
مادورونون یارا آلمادان قورتولدوغو سالدیریدا 7 عسگر یارالانمیشدی.
مادورو حادثهدن سونرا تجاووزکارلارین آمریکادا یاشایان ونزوئلالی موخالیفلر و کولومبیا ایله علاقهلی اولدوقلارینی دیله گتیرمیشدی.
مادورو، هفته ایچی بیر تلویزیون کانالیندان ائتدیگی آچیقلامادا، سوی-قصد تلاشینین آردیندان حبس اولونان 6 نفرین ایفادهلرینه نظر سالدیقدا کولومبیادا سورگونده یاشایان سابیق مجلیس باشقانی و موخالیفت لیدری ژولیو بورگس بو حادثهدن مسئول اولدوغونو ایرهلی سورموشدو.
مادورو، موخالیف میلت وکیلی خوان رقوسنس نین ده شوبههلیلر آراسیندا اولدوغونو ایفاده ائتمیشدی.
سوی-قصدده یارالانان عسگرلرین بؤرکلرینی ده الینده توتان مادورو، آمریکا و کولومبیاداکی نمایندهلره لازیمی ثبوتلاری تقدیم ائدهجکلرینی، بو حادثه نی تشکیل ائدن و مالیهیه ائدنلرین یاخالانماسی اوچون ایش بیرلیکلرینی ایستهیهجکلرینی قئید ائتمیشدی.
ونزوئلادا عالی محکمه، 8 آوقوستدا، مادورویا سوی-قصد گیریشیمینه دایر بورگس حبس اولونماسینا، رقوسنس نین ده موحاکیمه اولونماسینا قرار وئرمیشدی.
دیگر طرفدن، ونزوئلا خاریجی ایشلر ناظیری خورخه آریازا، کئچن هفته، کاراکاس دا آمریکالی یوکسک سویهلی دیپلومات جیمز استوری ایله بیر آرایا گلهرک آمریکا ایله امکداشلیق طلب ائتمیشدی.
آریازا، آمریکانین امکداشلیق ائتمگی قبول ائتدیگینی ایفاده ائتمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.