آلمانیادا پیلوتلاری جمعه گونو اعتصابا گئدهجک
دانیشیقلارینین نتیجهسیز قالدیغینی و پیلوتلاری اعتصابا دعوت ائدیلدیگی قئید اولونوب
آلمانیاداکی ریان ایر هاوا یوللاری شیرکتینین پیلوتلاری ایش شرایطینین و معاشلارین یاخشیلاشدیریلماسی اوچون 10 آوقوست جمعه گونو اعتصابا گئدهجک.
آلمان پیلوت سندیکاسی ( Vereinigung Cockpit (VC طرفیندن ائدیلن آچیقلامادا، آوروپانین ان بؤیوک ایقتیصادی هاوا یولو شیرکتلریندن اولان ایرلند مرکزلی ریان ایرین پیلوتلاری اوچون آلمانیادا ایش شرایطینین و معاشلارین یاخشیلاشدیریلماسی دانیشیقلارینین نتیجهسیز قالدیغینی و پیلوتلارا اعتصاب دعوت ائدیلدیگی قئید اولونوب.
ایش بوراخما اعتراضینین 10 آوقوست جمعه گونو یئرلی ساعاتی 03.01 ایله شنبه 02.59دا گرچکلشه جگی بیلدیریلن آچیقلامادا، اعتصابین آلمانیاداکی بوتون اوچوشلاری تأثیر گؤسترجگی وورغولانیب.
موذاکیرهلرین نتیجهسیز قالدیغی بیلدیریلن آچیقلامادا، شیرکت رهبرلیگینین اؤز تکلیفینی تکرار ائتدیگی خاطیرلادیلیب. Vereinigung Cockpit ، سؤزقونوسو اعترض تشببوسو ریان ایر پیلوتلاری اوچون ایش شرایطلرینین یاخشیلاشدیریلماسی و ایشلهینلره اؤدنن پوللارین یاخشیلاشدیریلماسی اوچون بیر تنزیملمه هدفلییر.
Vereinigung Cockpit باشقانی مارتین لوچر قیمتلندیرمهسینده، شیرکتدن معاش و ایش شرایطلرینده یاخشیلاشدیرما طلب ائتدیکلرینی بیلدیرهرک، "پیلوتلارین امک حاقلاریندا آرتیم اولمادان تکمیللشدیرمهلر دوشونوله بیلمز. گؤروشمهلر زامانی ریان ایر بو آرتیملاری استثنا ائدیب. عینی زاماندا، ریان ایر حل تاپما موضوعسوندا تلاش گؤسترمهدی. حادثهلرین بو سویهیه گلمهسینده تکجه ریان ایر سوروملودور." ایفادهسینی ایستیفاده ائتدی.
ریان ایر پیلوتلاری، ایرلند، سوئد و بلژیک ده دا جمعه گونو اعتصابا گئدهجک.
آلمانیاداکی اعتصابلا یاناشی همین اغتصابلارین ریان ایر تاریخیندکی ان بؤیوک پیلوت اعتصابی اولماسی گؤزلنیلیر.
شیرکت، بو آنا قدر 2 مین 400 آوروپا اوچوشونون 146سینی لغو ائدیب.
اؤتن آی ایسپانیا، بلژیک، پورتغال و ایتالیادا کابینه امکداشلاری اعتصابلا گئتمیش، شیرکتین 100 مین یولجوسونو تأثیر ائدن 600 اوچوشو لغو ائدیلمیشدی.
آلمانیا ایچینده تخمینن 9 مین 600 عضوو اولان Vereinigung Cockpit، سیویل هاواجیلیغین ریفاه و امنیتینه قاتقی وئرمگین یاناشی تکنیکی ایشلر و صنایع ایشلری ایله علاقهدار عضولرینین منافعلرینی قوروماغی قارشیسینا مقصد قویور.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی