دونالد ترامپ، ایرانا قارشی تحریم اؤنگؤرن یئنی بیر پرزیدنت فرمانی ایمضالاییب

آمریکانین پرزیدنتی آمریکا دونالد ترامپ، ایرانا قارشی تحریملری پوزانلارا تحریم اؤنگؤرن یئنی بیر پرزیدنت فرمانی ایمضالاییب.

فرمان، آغ ائو طرفین‌دن یایینلانیب.

آمریکانین ایران ایله ایمضا‌لانان نوکلئر موقاویله‌دن می آییندا بیرطرف‌لی اولا‌راق چکیلمه‌سی چرچیوه‌سینده تطبیق اولونا‌جاق تحریم‌لرین پوزولماسینین قارشی‌سینی آلماغا یؤنه‌لیک فرماندا، "ایرانین آمریکا دو‌لارینا و قیمت‌لی متال‌لارا الده ائمنین، انرژی سکتورونا، آمریکانین قارا سیاهی‌سین‌داکی وطنداش‌لارینا، نقلیات و گمی قاییرما و لیمان عملیات‌لارینا دستک وئرن‌لره" تحریم ایجرا ائدیلمه‌سی تاپشیریغی وئریلیب.

فرمانا گؤره، "7 آوقوست 2018-جی ایل و سونراسیندا، ایران حکومتی‌نین آمریکا دو‌لاری و قیمت‌لی معدن‌لری ساتین آلماسینا و تامین ائتمه‌سینه کؤمک ائدن، ایسپونسورلوق ائدن، مالی، مادی و یا تکنولوژی دستک وئرن‌لر" آمریکانین تحریم‌لرینه تابع توتولا‌جاق.

بون‌دان باشقا، ایران ماشین سکتورونو ماراقلان‌دیران محصول و خیدمت‌لری ساتان، تداروک و یا ترانسفر ائدن‌لر یئنه 7 آوقوست 2018-جی ایل تاریخین‌دن اعتباراً تحریم‌لرله جزالان‌دیریلا‌جاق.

"تحریم‌لرین 2نجی مرحله‌سینه کئچیله جگی 5 نوامبر 2018 و سونرا ایسه ایران میللی نفت شیرکتی، نفتیران تیجارت شیرکتی و ایران مرکزی بانکینا یاردیم ائدن، ایسپونسورلوق ائدن، مالی، مادی و یا تکنولوژی دستک تامین ائدن‌لره" ده تحریم تطبیق اولونا‌جاق.

فرماندا، آمریکا خزینه ناظیرلیگی خاریجی وارلیق‌لار نظارت اوفیسی‌نین (OFAC) تحریم سیاهی‌سیندا یئر آلان شخص‌لره دستک وئرن‌لرین ده 5 نوامبردان اعتباراً تحریم‌لرله قارشی-قارشییا قالاجاغی بیلدیریلدی.

ترامپ، ایرانا قارشی تحریم‌لرین یئنی‌دن فعالیته باشلاماسینا دایر آچیقلاماسیندا، آمریکانین تحریم‌لره تام رعایت ائدیلمه‌سینی تامین ائتمه‌یه قرارلی اولدوغونو و ایرانلا موناسیبت‌لرینی قورتارمایان جیدی نتیجه‌لرله قارشی-قارشییا قالاجاغینی وورغولاییب.

ترامپ

بیر چوخ بین الخالق شیرکتین، ایران بازارین‌دان آیریلا‌جاق‌لارینی آچیقلامالاریندان‌ ممنونیت دویورام. بعضی اؤلکه‌لر ده ایران‌دان خام نفت ایدخالینی آزالدا‌جاق‌لارینی و یا دایان‌دیرا‌جاق‌لارینی آچیقلادی‌لار. بیز بوتون میللت‌لری، ایران رژیمی‌نین یا قورخودوجو و ایستیقرارسیزلاشدیریجی فعالیت‌لرینی دییش‌دیره‌رک قلوبال ایقتیصادلا یئنی‌دن اینتقراسیون و یا ایقتیصادی ایزولاسیون یولوندا داوام ائتمک واریانت‌لاری قارشی-قارشییا اولدوغونو اورتایا قویا‌جاق آددیم‌لار آتماغا دعوت ائدیریک." دئدی.

ایرانین نوکلئر پروقرامینا دایر بیرگه گئنیش ایش پلانی (Joint Comprehensive Plan of Action – JCPOA) 20 آی سورن دانیشیق‌لاردان سونرا، ژوئیه 2015ده، بیر طرفده ایران، دیگر طرفده بمت امنیت شوراسی‌نین بئش دایمی عضوو آمریکا، آلمانیا، بؤیوک بریتانیا، چین، روسیا، فرانسا و آوروپا بیرلیگی آراسیندا ایمضالانیب.

راضیلاشما تهرانین نوکلئر پروقرامینی سونا چاتدیرماسینا قارشی‌لیق اولا‌راق بو اؤلکه‌یه تطبیق اولونان بین الخالق تحریم‌لرین گؤتورولمه‌سینی نظرده توتوردو.

آنجاق می آییندا آمریکا پرزیدنتی دونالد ترامپین نوکلئر موقاویله‌دن چکیلمه قراری آلماسی، آمریکا خزینه ناظیرلیگی، ایرانا قارشی تحریم‌لرین 90 و 180 گونلوک ایکی مرحله ایله یئنی‌دن تطبیق اولونماغا باشلایاجاغینی بیلدیرمیشدی.