آمریکا خاریجی ایشلر ناظیرلیگی: تحریملرین ایران ایقتیصادینا "چوخ اهمیت‌لی بیر تأثیری" اولاجاق
آمریکا خزینه ناظیرلیگی، ایرانا قارشی تحریملرین 90 و 180 گونلوک ایکی مرحلیله یئنی‌دن تطبیق اولونماغا باشلایاجاغینی بیلدیرمیشدی
آمریکا خاریجی ایشلر ناظیرلیگین‌دن رسمی مقاملار، باشقان دونالد ترامپ رهبرلیگی‌نین ایرانا یؤنه‌لیک اولاراق آغیر بیر شکیلده دؤوره‌یه سوخولاجاق تحریملرین ایران ایقتیصادینا "چوخ اهمیت‌لی بیر تأثیری" اولاجاغینی بیلدیردی.
رسمی مقاملار، ترامپین ایران ایله نوکلئر موقاویله‌دن بیرطرف‌لی اولاراق چکیلمه‌سی‌نین آردین‌دان بو گون سحر تورکیه ساعاتی ایله 07ده ایجرا‌یه گیرن تحریملرین ایلک مرحله‌سی حاقیندا مطبوعاتا معلومات وئریب.
بو تحریملرین مالی معنادا ایران ایقتیصادینا چوخ اهمیت‌لی بیر تأثیری اولاجاغیندان هیچ بیر شوبهه یوخ" قیمتلندیرمه‌سینده اولان مقاملار، آماچلارینین ایراندا هر هانسی بیر حاکمیت دییشیک‌لیگینه گئتمک اولمادیغینی ساووناراق
ایرانین حرکت یؤنلرینی دییشدیرمه‌سینی گؤزلییریک، هدفیمیز رژیم دییشیک‌لیگی دئییل." دئدی.
آمریکانین ایرانا قارشی ایجرا ائدجگی تحریم‌لرله باغلی "قلوبال بیر کوالیسیون قورمادیغی" یؤنون‌دکی تنقیدلره قارشی ایسه رسمی مقاملار، بو جوابی وئردی:
ایرانین پیس ایش‌لرینه قارشی قلوبال کوالیسیون یاراتماغا چالیشیریق. بونو آچیق شکیلده دئیه بیلرم کی، بو مسئله‌یه دایر پرزیدنت فرمانینی آغیر بیر شکیلده آپاراجاغیق و دیگر صلاحیت‌لری ایستیفاده ائدجگیک. دیگر اؤلکه‌لرله ده بونو ائتمه‌لری اوچون دانیشیریق اما کیمسه‌نین بیر شوبهه‌سی اولماسین کی، بو سلاهیت‌لریمیزی ایستیفاده ائدجگیک".
ایرانین نوکلئر پروقرامینا دایر بیرگه گئنیش ایش پلانی (Joint Comprehensive Plan of Action – JCPOA) 20 آی سورن دانیشیق‌لاردان سونرا، یول 2015ده، بیر طرفده ایران، دیگر طرفده بمت امنیت شوراسی‌نین بئش دایمی عضوو آمریکا، آلمانیا، بؤیوک بریتانیا، چین، روسیا، فرانسا و آوروپا بیرلیگی آراسیندا ایمضالانیب.
راضیلاشما تهرانین نوکلئر پروقرامینی سونا چاتدیرماسینا قارشی‌لیق اولاراق بو اؤلکه‌یه تطبیق اولونان بین الخالق تحریملرین گؤتورولمه‌سینی نظرده توتوردو.
آنجاق می آییندا آمریکا پرزیدنتی دونالد ترامپین نوکلئر آنلاشما‌دان چکیلمه قراری آلماسی، آمریکا خزینه ناظیرلیگی، ایرانا قارشی تحریملرین 90 و 180 گونلوک ایکی مرحلیله یئنی‌دن تطبیق اولونماغا باشلایاجاغینی بیلدیرمیشدی.
