سیغینماچیلارین مزاری آغ دنیز
اؤلوم نسبتینین چوخ یوکسک اولدوغو و بونون قایغی وئریجی اولدوغو قید اولوندو
بیرلشمیش میلتلر سیغینماچیلار یوکسک کمیسرلیگی، آغ دنیزده ۷ آیدا مین ۵۰۰دن آرتیق سیغینماچینین حیاتینی ایتیردیگینی آچیقلادی.
آچیقلامادا قاچاق گئچیش سیراسیندا میدانا گلن اؤلوم نسبتینین چوخ یوکسک اولدوغو و بونون قایغی وئریجی اولدوغو قید اولوندو.
بونونلا بیرلیکده تخمیناً ۶۰ مین سیغینماچینین، ایلین اولیندن بو یانا آغ دنیزی گئچدیگی ایفاده ائدیلدی.
کمیسرلیگین آغ دنیز اؤزل ائلچیسی وینسنت کوشتل، کمیسرلیگی بو ترانزیت یوللار اوزریندهکی دؤولتلری، قاچاقچیلیق شبکهلرینی آرادان قالدیرماق اوچون لازیم اولان بوتون تدبیرلر گؤرمهیه چاغیردی.
سیغینماچیلارین، ایتالیا و مالتادان گئچمیش اولدوقلاری خاطیرلادیلان آچیقلامادا، سون زامانلار بو اؤلکهلرده گؤرولهن تدبیرلردن دولایی سیغینماچیلارین ایستیقامتینی گئچیش اوچون ایسپانیایا چئویرمیش اولدوقلاری وورغولاندی.
ایسپانیایا ژانویه آییندان بری ۲۳ مین ۵۰۰دن چوخ قاچقینین گیردیگی آچیقلاندی.