آوروپا بیرلیگیندن کوره یاریماداسیندا باریش چابالارینا دستک

گونئی کوره و آوروپا بیرلیگی، کوره یاریماداسی‌نین نوکلئر سیلاح‌لاردان تمیزلنیلمه‌سی و باریشین اولماسی اوچون ایکی طرف آراسیندا یاخین ایش بیرلیگی تامین اولونماسی مسئله‌سینده راضی قالدی.

یونهاپ آژانسی‌نین گونئی کوره خاریجی ایشلر ناظیرلیگینه وئردیگی خبره گؤره، خاریجی ایشلر ناظیری کانق کیونگ-وها، آوروپا بیرلیگیی خاریجی ایشلر و امنیت سیاستلری  عالی نماینده‌سی فدریکا موگرینی ایله تلفوندا گؤروشوب و بیرلیگین کوره یاریماداسین‌داکی باریش تلاش‌لارینا دستگینی داوام ائتدیرمه‌سینی ایسته‌دی.

موگرینی، بؤلگه‌دکی یاخینلاشمانین آرخاسیندا گونئی کوره دولت باشقانی مون جائه-ین رهبرلیگی‌نین باریش تشببوسونون اولدوغونا ایشاره ائده‌رک، آوروپا بیرلیگی-نین دستگینی داوام ائتدیرجگینی بیلدیریب.

دیپلوماتیک علاقه‌لرین قورولماسی‌نین 55-جی ایل دؤنومونو تبریک ائدن کانق و موگرینی، ایکی طرف آراسیندا "ایستراتژی موناسیبت‌لرین" درینلشدیریلمه‌سی مسئله‌سینده ده قرارا گلدی.