مایک پومپئونون قوزئی کوره یه اؤنریسی
پومپئو، ویتنامین کئچمیش دوشمنی آمریکا ایله علاقه‌لرینی گلیشدیره رک "ایقتیصادی موعجیزیه " ایمضا آتدیغینی ایره‌لی سوروپ، پیونگ یانگ یؤنتیمینه عینی یوللا گئتمه‌سی چاغیریشی ائتدی
آمریکا خاریجی ایشلر ناظیری مایک پومپئو، قوزئی کوره نین اؤلکه‌سی ایله ایلیشیکیلرینی نورماللاشدیرما مسئله‌سینده، بیر واخت‌لار کندیلری ایله دوشمن اولان ویتنامین توتدوغو یولو اؤرنک آلماسی لازیم اولدوغو بیلدیریب.
آسیا اؤلکه‌لری توروندا قوزئی کوره و ژاپون ون آردیندان ویتنامی سفر ائدن پومپئو، ویتنامین کئچمیش دوشمنی آمریکا ایله علاقه‌لرینی گلیشدیره رک "ایقتیصادی موعجیزه"یه ایمضا آتدیغینی ایره‌لی سوروپ، پیونگ یانگ یؤنتیمینه عینی یوللا گئتمه‌سی چاغیریشی ائتدی.
باشکند هانویده آمریکا-ویتنام ایش کونسئی‌نین نماینده‌لرینه خیطاب ائدن پومپئو، ویتنامین آمریکا ایله ایللرله داوام ائدن چاتیشما و امنیتسیزلیغین آردیندان 1995ده آمریکا ایله موناسیبت‌لرینی نورماللاشدیرما قراری آلماسین‌دان سونرا قئید ائتدیگی ایقتیصادی اوغورون قوزئی کوره یه نومونه اولماسی لازیم اولدوغونو ایفاده ائتدی.
آمریکانین کئچمیش دوشمن‌لرینه وئردیگی سؤزو توتدوغونو وورغولایان پومپئو، بئله داوام ائتدی:
بونون (قوزئی کوره اوچون) گئرچک بیر ایمکان اولدوغونو ویتنامین زامان عرضینده قاتیلاجاق ائتدیگی مسافه‌ده گؤرمک مومکون. بو گون داعوا یئرینه امکداش‌لیق ائدیر اولماغیمیز، بیر اؤلکه‌نین آمریکانین یانیندا داها پارلاق بیر گله‌جه‌یه دوغرو یول آلماغا قرار وئرمه‌سی حالیندا وعده میزی یئرینه یئتیردیگیمیزین ثبوتودور. ویتناملا بو گون گلدیگیمیز امکداش‌لیق و اورتاق ریفاه سویه‌سی بیر واخت‌لار خیال بئله ایدیله مزدی. بو مسئله فونوندا باشقان کیم ژونگ اونا مساژیم اوندان عبارت‌دیر؛ باشقان ترامپ سیزین ده بو یولو گئتمه اینانیر. بو تاریخی فورصتی قیمتلن‌دیرین. بو موعجزه سیزین اولا بیلر. بو موعجزه قوزئی کوره ده ده گؤره بیلیریک".
پومپئونون آچیقلامالاری قوزئی کوره رهبرلیگی‌نین آمریکا طرفی‌نین نوکلئرسیلاحسیزلانما مسئله‌سینده "بیرطرف‌لی و هدله ییجی" طلب‌لرده اولدوغونا دایر ایرادلاری‌نین سونرا گلدی.
