مایک پمپئو ایله سرگئی لاوروف آراسیندا تلفون دانیشیغی اولوب
امریکانین خاریجی ایشلر ناظیری مایک پمپئو روس همکاری سرگئی لاوروف ایله تلفونلا دانیشیب.
امریکانین خاریجی ایشلر ناظیری مایک پمپئو روس همکاری سرگئی لاوروف ایله تلفونلا دانیشیب.
ایکی همکار امریکا پرزیدنتی دونالد ترامپ و روسیا پرزیدنتی ولادیمیر پوتینین ژوئیه نین 16-دا فینلاندیانین پایتاختی هلسینکی-ده کئچیرجگی گؤروشو موذاکیره ائدیب.
امریکا خاریجی ایشلر ناظیرلیگینین سؤزچوسو هدر ناوئرت پمپئو و لاوروفون تلفون دانیشیغی ایله علاقهلی آچیقلاماسیندا بیلدیریب کی، ایکی همکارین تلفون گؤروشونده اؤلکه پرزیدنتلرینین گلهجک گونلرده کئچیرجگی گؤروش ایله سوریه و شیمالی کره موضوع لاری موذاکیره اولوندو.
دیگر طرفدن ترامپ و پوتینین کئچیرجگی ذیروهدن اول امریکا کنگره سینین بیر قروپ عضوو ایکی ایلدن سونرا ایلک دفعه رسمی گؤروشلر کئچیرمک مقصدیله مسکویا سفر ائدیب.
30 ژوئن ده سن پترزبورگ-دا روسیا سفرینی باشلادان سناتورلار دونن مسکودا لاوروف ایله گؤروشوبلر.
لاوروف سفرین ایکی اؤلکه پارلامئنتلری آراسینداکی علاقهلری نورماللاشدیرماسینا اومید ائتدیگینی بیلدیریب.
قئید ائدک کی، آغ ائو کئچن هفته ترامپ و پوتینین 16 ژوئیه ده هلسینکی-ده بیر آرایا گلجیینی بیلدیردی و لیدرلرین گؤروشده امریکا ایله روسیا آراسینداکی علاقهلرله یاناشی میللی تهلوکهسیزلیک موضوع لارینی موذاکیره ائدجگینی آچیقلادی.