پنتاگوندان مونبیچ آچیقلاماسی
اریک پاهون، تورک و آمریکان عسگرلری‌نین سوریه‌نین مونبیچ بلده‌سینده، "کووردیناسیون حالیندا، آنجاق موستقیل شکیلده" کئشیکچی‌لر نؤوبه‌لرینه باشلادیغینی آچیقلاییب
آمریکا ساوونما ناظیرلیگی (پنتاگون) سؤزچوسو اریک پاهون، تورک و آمریکان عسگرلری‌نین سوریه‌نین مونبیچ بلده‌سینده، "کووردیناسیون حالیندا، آنجاق موستقیل شکیلده" کئشیکچی‌لر نؤوبه‌لرینه باشلادیغینی آچیقلاییب.
پاهون، آچیقلاماسیندا،
تورک و آمریکا قوشون‌لاری، 18 ژوئنده، مونبیچ یول پلانی و مونبیچ امنیت پرینسیپ‌لری اساسیندا، پارالل آنجاق موستقیل شکیلده کئشیکچی‌لر فعالیتینه باشلامیش‌دیر. هر ایکی اؤلکه ده میدانچا‌داکی وضعیته گؤره امکداش‌لیغینی آرتیرماق مقصدینه مووافیق اولا‌راق بیرگه کونترول فعالیت‌لری اوچون ایشلرینی داوام ائتدیریر." ایفاده‌لرینی ایستیفاده ائتدی.
مونبیچین ثابت‌لیگی‌نین سوریه‌نین شرقینده ترور تشکیلاتی داعشا قارشی آپاریلان عملیات‌لار باخیمین‌دان اهمیت داشیدیغینی وورغولایان پاهون،
اورتاق کونترول فعالیت‌لری، مونبیچین اوزون زمانلی ثابت‌لیک و امنیت ایله آمریکانین ناتو موتتفیقی تورکیه‌یه اولان باغلی‌لیغی‌نین اؤنملی بیر حیسه‌سی‌دیر." قیمتلندیرمه‌سینی کئچیریب.
تورک سیلاحلی گوج‌لری‌دون ائدیلن آچیقلامادا دا، بؤلگه‌ده، تورک سیلاحلی گوجلری و آمریکا سیلاحلی گوجلری منسوبلاری طرفین‌دن موستقیل کونترول فعالیت‌لرینه باشلاندیغی بیلدیریلمیشدی.
آمریکا و تورکیه، بؤلوچو ترور اؤرگوتو ی.پ.گ/پ.ک.ک-نین سوریه‌نین شمالیندا فیرات چایی‌نین غربینده ایشغال ائتدیگی مونبیچدن چکیلمه‌سی اوچون راضی‌لیق ساغلامیش، دیش ایشلری ناظیری مولود چاووش اوغلو و آمریکا‌لی همکاری مایک پومپئو، 4 ژوئن‌دکی گؤروشمه‌لرینده، بلده‌‌ده گووئنلیک و ثابیتلیگین برقرار اولماسینی دا داشییا‌جاق بیر یول پلانی قبول ائتمیشدی.
پلان، تورک و آمریکا طرف‌لری‌نین نیظامی و ایستیخباری فاکتورلارلا شهرستاندا بیرگه نظارته باشلاماسینی دا نظرده توتور. راضی‌لیق همچینین مونبیچده تروریست‌لرین چیخماسین‌دان سونرا شهرین یئرلی‌لرندن بیر ایداره بیریمی قورولماسینی ایچه‌ریر.
بؤلوچو ترور تشکیلاتی ی.پ.گ/پ.ک.ک، حلب ویلایتینه باغلی مونبیچ شهرستانی آوقوست 2016دا آمریکانین دستگی ایله ترور تشکیلاتی داعشدن آلا‌راق ایشغال ائتمیشدی. ترور تشکیلاتی داعشه قارشی موباریزه بهانه‌سی ایله ی.پ.گ/پ.ک.ک-یا دستگینی داوام ائتدیرن آمریکا، شهرین مرکزی‌نین داشدن تمیزلنمه‌سی‌نین سونرا ی.پ.گ/پ.ک.ک-نین شهرستانین‌دان چیخاجاغی مسئله‌سینده تورکیه‌یه ضمانت وئرمیش، لاکین بونو یئرینه یئتیرممیشدی.
مونبیچ اها‌لی‌سی‌نین یوزده 90ین‌دان چوخونو عرب‌لر تشکیل ائدیر.
