مقدونیه پرزیدنتی، یونانیستانلا الده ائدیلن آد آنلاشماسینی ایمضالامایاجاغینی دئییب

مقدونیه پرزیدنتی جورج ایوانوو، یونانیستانلا الده ائدیلن آد آنلاشماسینی ایمضالامایاجاغینی دئییب.

دونن ایکی اؤلکه حکومتی آد دییشیکلیگینده راضیلاشمیش، بو چرچیوه‌ده مقدونیه، آدینی قوزئی مقدونیه جمهوریتی کیمی دییشدیرمگی قبول ائتمیشدی.

مقدونیه‌نین باش ناظیری زوران زائو، دونن ائتدیگی آچیقلامادا، ایللردیر داوام ائدن اویوشمازلیغین حلّ ائتمگین مقدونیه‌نین ناتو و آوروپا بیرلیگینه عضو‌لوگونون قارشی‌سینی آچاجاغینی سؤیله‌میشدی.

دیگر یان‌دان، یونانیستانداکی موخالیفت پارتیلریندن‌ یئنی دموکراسی، باش ناظیر آلکسیس چیپراسین آنلاشمایا گلدیگی قوزئی مقدونیه جمهوریتی آدی مسئله‌سینده تله‌سیلممه‌سینی ایسته‌دی.

پارتی‌نین، قونشو اؤلکه‌نین یئنی آدی موضوعسون‌داکی اعتیماد سس وئرمه‌سینی، حکومتین جمعه گونو کئچیرجگی قورتارما پاکتی اصلاحاتی دانیشیق‌لاری‌نین قورتارماسی سونراسی کئچیریلمه‌سینی ایستدیگی بیلدیریلدی.

باشدا تورکیه اولماقلا بیر چوخ اؤلکه، مقدونیه آنایاسا آدی اولان "مقدونیه جمهوریتی" آدی ایله تانییارکن یونانیستان، اؤز سرحدلری ایچینده "مقدونیه" آدلی بیر بؤلگه اولدوغو سببیله بو اؤلکه‌نین آدی‌نین دییشدیریلمه‌سینی طلب ائدیردی.

مقدونیه، موستقیل‌لیگینی اعلان ائتدیگی 1991دن بری جنوب قونشوسو یونانیستان ایله داوام ائدن آد پروبلمی سببین‌دن آوروپا بیرلیگی و آوروپابیرلیگی ناتو-یا عضو اولابیلمیردی.

مقدونیه‌نین اولوسلار آراسی تانینیرلیغکی، اؤلکه‌نین بمت عمومی مجلیسینده یئکدیل‌لیکله بمت عضو‌لوگونه قبول ائدیلدیگی 1993-جی ایلین آوریل آییندا قطعیت قازانمیش آنجاق جنوب قونشوسو یونانیستانین اعتراضی ایله موقتی رفرانس اولا‌راق " کئچمیش یوگوسلاوی جمهوریتی مقدونیه (FYROM)" آدی ایله عضو‌لویه قبول ائدیلمیشدی.

یونان خالقی‌نین بیر قیسمی ایسه پروبلمین تکجه آد دئییل، تاریخ و مدنیته دایر اولدوغونو مدافعه ائده‌رک، اوسکوپ رهبرلیگینی "مقدون کیم‌لیگینی" چالماغا چالیشماقلا گوناهلاندیریر. آنتیک دؤورده مقدون کرا‌لی اولان بؤیوک ایسگندرین میراثی، ایکی اؤلکه آراسیندا جیدی بیر رقابت ساحه‌سی کیمی گؤرونور.