ایسلام امکداشلیق تشکیلاتی ایستانبولدا ییغینجاق کئچیرهجک
ایسلام امکداشلیق تشکیلاتی تورکیهنین چاغیریشی ایله قودس اوچون ایستانبولدا ییغینجاق کئچیرهجک.
تورکیهنین چاغیریشی ایله قودس اوچون ایستانبولدا تشکیل ائدیلهجک ایسلام امکداشلیق تشکیلاتی ایسلام ذیروهسی کنفرانسینین فوق العاده ییغینجاغینا 40-دان چوخ ایسلام اؤلکهسیندن نمایندهنین ایشتیراکی گؤزلنیلیر.
جمهور باشقانی رجب طیب اردوغان فیلیسطیندکی سون وضعیتدن سونرا ایسلام امکداشلیق تشکیلاتینا عضو اؤلکهلری ییغینجاق کئچیریلمهسی اوچون ایستانبولا دعوت ائتدی. همین چرچیوهده ییغینجاغا 13 دؤولت و حکومت باشچیسی، 2 جمهور باشقانینین معاوینی، 3 باش ناظیر معاوینی ایله 12 خاریجی ایشلر ناظیریله یاناشی 11 اؤلکهدن یوکسک سویهلی دیپلومات و میسیون رهبرینین ایشتیراک ائدجگی پلانلاشدیریلیر.
ییغینجاغا دؤولت و حکومت باشچیلاری سویهسینده ایران پرزیدنتی حسن روحانی، افغانیستان پرزیدنتی اشرف غنی، اردن کرالی ایکینجی عبدالله، سودان پرزیدنتی عمر البشیر، گینه بیسائو پرزیدنتی خوزه ماریو واز و گینه پرزیدنتی آلفا کنده، قطر امیری شیخ تمیم بن حمد بن خلیفه آل ثانی ، کویت امیری شیخ صباح احمد جابر الصباح ، موریتانی پرزیدنتی، شیمالی قیبریس تورک جمهوریتی پرزیدنتی مصطفی آکینجی، پاکیستانین باش ناظیری شاهید خاقان عباسی و قیرغیزیستانین باش ناظیری نین ایشتیراکی گؤزلنیلیر.
اندونزی و گامبیا-نین جمهور باشقانینین معاوینی، شیمالی قیبریس تورک جمهوریتی باش ناظیرینین معاوینی و خاریجی ایشلر ناظیری، سومالینین باش ناظیر معاوینی، یمن-نین باش ناظیر معاوینی و خاریجی ایشلر ناظیرینین ده ییغینجاقدا اؤلکهلرینی تمثیل ائدهجکلری پانلاشدیریلیر.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب