آمریکادان ایرانا یئنی تحریم

آمریکان دولتی، ایکی‌سی ایران مرکزی بانکیندا رهبر اولماقلا4 نفر و عراق مرکزلی بیر بانکی، ایران اینقیلاب موحافیظچی‌لری و حزب الله ایله علاقه‌لری اولدوغو ادعاسییلا تحریم لیسته‌سینه آلدی.

آمریکا خزینه ناظیرلیگین‌دن ائدیلن یازی‌لی آچیقلامادا، 4 نفر و 1 قورومون، خاریجی وارلیق‌لارین نظارتی اوفیسی (OFAC) طرفین‌دن تحریم لیسته‌سینه علاوه اولوندوغو قید اولونوب.

آچیقلامادا،ایران مرکز بانکاسی یؤنتیجی‌سی والی الله سیف ایله عینی بانکی‌نین اولوسلار آراسی عملیات‌لار بؤلومونده دیرکتور معاوینی اولان علی طرزعلی‌نین، ایران اینقیلاب موحافیظچی‌لری قودس گوجونه وئردیک‌لری دسته‌یه گؤره ترور لیسته‌سینه آلیندیغی بیلدیریلدی.

بون‌دان باشقا، عراق مرکزلی اولا‌راق فعالیت گؤسترن البلاد بانک دا عینی چرچیوه‌ده بو تشکیلات‌لارلا علاقه‌لری ادعاسی قارا لیسته‌یه آلیندی.

آمریکا خزینه ناظیرلیگی، کئچن هفته ده ایران‌لی 6 نفر و 3 تشکیلاتین، خاریجی وارلیق‌لارین نظارتی اوفیسی طرفین‌دن تحریم لیسته‌سینه آلیندیغینی آچیقلامیشدی.

آمریکا پرزیدنتی دونالد ترامپ، 8 می‌ده، اؤلکه‌سی‌نین 5+1 اؤلکه‌لری ایله ایران آراسیندا آپاریلان نوکلئر آنلاشما‌دان چکیله‌جگینی بیلدیرمیشدی.

ترامپین قراری‌نین آردین‌دان آمریکا خزینه ناظیرلیگی‌نین، ایرانا قارشی ایلک تحریم پاکتی‌نین 6 آوقوستدا، ایکینجی تحریم پاکتی‌نین ایسه 4 نوامبردا فعالیته باشلایاجاغی بیلدیریلمیشدی.