ترزا می ایله روحانی آراسیندا تلفون دانیشیغی اولوب

اینگیلتره باش ناظیری ترزا می ایله ایران پرزیدنتی حسن روحانی آراسیندا تلفون دانیشیغی اولوب.

ترزا می دانیشیق زامانی بیلدیریب کی، اینگیلتره 2015-جی ایلده ایرانلا P5+1  (امریکا، چین، روسیا، فرانسا، اینگیلتره و آلمانیا) آراسیندا ایمضا‌لانان نوکلئر راضیلاشماسینا صادق قالا‌جاق. ایکی لیدر آراسیندا باش توتان تلفون دانیشیغیندا ایراندا ساخلانان چفت وطنداش‌لارین (اینگیلیس و ایران وطنداشی) موضع نین ده موذاکیره ائدیلیب. پرزیدنت می، اونلارین آزادلیغا بوراخیلما‌لاری اوچون لازیملی آددیم‌لارین آتیلماسینی طلب ائدیب.

بی بی سی-نین معلوماتینا گؤره، ایراندا تخمینن 30 قدر چفت وطنداش اولان (اینگیلتره و ایران وطنداشی) حبسده‌دیر.

قئید ائدک کی، اؤتن آی دا لندن Imperial College  معلم‌لرین‌دن پروفسورو عباس عدالت ایرانین پایتاختی تهرانا سیاحتی زامانی توتوخلاندی.