ترامپین، اؤلکه‌سی‌نین ایران ایله نوکلئر موقاویله‌سی قراری
ترامپ، ایران ترورون دولت ایسپونسورودور. بونون اوچون اؤز خالقی‌نین ثروتینی ایستیفاده ائتمیش‌دیر. ایران، حزب الله، حماس، طالبان و القایده‌نین هاواداری‌دیر" دئدی
آمریکانین پرزیدنتی دونالد ترامپ، اؤلکه‌سی‌نین ایران ایله نوکلئر موقاویله‌دن چکیلدیگینی آچیقلاییب.
ترامپ آغ ائوده کئچیردیگی مطبوعات کونفرانسیندا ایلک اولا‌راق ایران رهبرلیگینه قارشی ادعا‌لارینی سیرالادی.
ایرانین ترور تشکیلات‌لارینا دستک وئردیگینی ایره‌لی سورن ترامپ،
ایران ترورون دولت ایسپونسورودور. بونون اوچون اؤز خالقی‌نین ثروتینی ایستیفاده ائتمیش‌دیر. ایران، حزب الله، حماس، طالبان و القایده‌نین هاواداری‌دیر" دئدی.
ایرانلا اولان نوکلئر موقاویله‌نین بو اؤلکه‌نین اورانین زنگینلشدیرمه‌سینی وئردیگینی ادعا ائدن آمریکا لیدری،
آنلاشما اوتانج وئریجی‌دیر. بو تک طرف‌لی بیر موقاویله‌دیر. نوکلئر سازیشه ایجازه وئرسم یاخین شرقده سیلاحلانما باش وئره‌جک. بو موقاویله ایرانین بؤلگه‌دکی مقصدلرینی مانع اولمادی. ایرانین نوکلئر بومباسینی بو عفونت‌لی راضیلاشماسی ایله اؤنلمه‌لییک" دئیه دانیشدی.
موقاویله‌نین ایمضالاندیغی 2015دن بو گونه قدر کئچن مدتده ایرانین نیظامی بودجه‌سی‌نین یوزده 40 بؤیودوگونو آنجاق دیگر طرف‌دن ایقتیصادی‌نین پیس گئتدیگینه دقت چکن ترامپ، تحریم‌لرین قالخماسی‌نین آردین‌دان رژیمینه وئریلن پارالاری یئنی نوکلئر سیلاح اینکیشاف ائتدیرمک و ترورو دستکله‌یه‌رک بوتون یاخین شرقی یوخ ائتمک اوچون ایستیفاده ائتدیگینی ایره‌لی سوردو.
ترامپ داها سونرا بوتون دونیانین گؤزلدیگی قرارینی اعلان ائدیب،
آنلاشمادان چکیلیرم" دئدی.
بو موقاویله، ایرانین اورانیوم زنگینلشدیرمه‌یه داوام ائتمه‌سینی و نوکلئر پروقرامی اوزرین‌دکی ضعیف محدودیت‌لر قارشیلیغیندا اؤزونه ضرر وئرن تحریم‌لرین گؤتورولمه‌سینی مومکون ائتدی. بو موقاویله بیر وطنداش اولا‌راق منیم اوچون بؤیوک بیر اوتانج قایناغی" سؤزلرینی ایستیفاده ائدن دونالد ترامپ،
بو سبب‌دن بو گون آمریکانین ایران نوکلئر موقاویله‌سین‌دن چکیلدیگینی اعلان ائدیرم. ان یوکسک سویه‌لی ایقتیصادی تحریم باشلایاجاغیق. ایرانا نوکلئر سیلاح ماجراسیندا کؤمک ائدن هر بیر اؤلکه ده، آمریکا طرفین‌دن آغیر شکیلده تحریمه تابع توتولاجاق" دئدی
آمریکا پرزیدنتی همچینین، ایرانا تحریم‌لری‌نین یئنی‌دن ایجرا ائدجگینی آچیقلاییب.
ترامپ، موافیق اؤلکه‌لرله، "ایران نوکلئر تهدیدینه" قارشی یئنی بیر موقاویله اوچون ایشلیه‌جگینی ده دئییب
سؤزقونوسو نوکلئر موقاویله، ایران ایله 5+1 اؤلکه‌لری آراسیندا (آمریکا، اینگیلتره، فرانسا، روسیا، چین و آلمانیا) 2015ده ایمضالانمیشدی.
بو اؤلکه‌لر ایرانین نوکلئر پروقرامیندا محدودیت‌لره گئتمه‌سی قارشیلیغیندا بعضی ایقتیصادی تحریم‌لری لغو ائتمگی قبول ائتمیشدی.
دونالد ترامپین قراری‌نین آردین‌دان گؤزلر، قارشی حمله‌سی‌نین نه اولاجاغی ماراق ائدیلن تهرانا چئوریلدی.
ایران پرزیدنتی حسن روحانی، آمریکا-این، موقاویله‌دن چیخاریلماسی وضعیتینده پئشمان اولاجاغینی سؤیلمیشدی.
ایران پارلامنتی نوکلئر کومیته‌سی‌نین رهبری مجتبی ذوالنور ایسه، آمریکانین نوکلئر موقاویله‌دن چیخاریلماسی حالیندا تهرانین احتیاجی قدر اوران زنگین‌لش‌دیره‌جک بیلدیرمیشدی.
واشینگتون پوست قزئتی ده آچیقلاماسیندا " ترامپین موقاویله‌دن چیخاریلماسی دوروموندا اونسوز دا وارلا یوخ آراسیندا آمریکا-ایران دیالوقونون تامامیله کسیله، یاخینلاشما و راضیلاشما ایمکانی‌نین دا تامامیله اورتا‌دان قالخاجاغی" قیمتلندیرمه‌سینه یئر وئرمیشدی.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
