اردوغان:"فیکریمجه ایتیرن طرف امریکادیر"
جمهور باشقانی رجب طیب اردوغان امریکانین ایرانین نوکلئر پروقراملا باغلی سازیشیندن چیخماقلا ایتیرن طرف اولاجاغینی بیلدیردی.
جمهور باشقانی رجب طیب اردوغان امریکانین ایرانین نوکلئر پروقراملا باغلی سازیشیندن چیخماقلا ایتیرن طرف اولاجاغینی بیلدیردی.
اردوغان بونو مرکزی امریکادا اولان "سی ان ان اینترنشنال"دان بکی آندرسونون دونیا گوندمینه دایر سواللارینی جاوابلاندیرارکن دئییب.
جمهور باشقانی امریکا پرزیدنتی ترامپین اؤتن گون آچیقلادیغی "ایرانلا نوکلئر سازیشدن چیخدیغی" قرارینی قیمتلندیررکن بیلدیریب کی، بو مسئلهده ایتیرن طرف امریکا اولاجاق. چونکی بو اؤلکه سازیشه صادق قالمادی. اولوسلار آراسی موقاویلهلر ایستنیلن زامان پوزولا یاخود داوام ائتدیریله بیلمز. بو قبول ائدیلمزدیر. بو راضیلاشما ایله اولماز دئییلن اولموشدور، بونونلا دا ایللرله داوام ائدن منفیلیک مثبت آتموسفر یارانماسیندا اومیدلری آرتیرمیشدیر. بونون بیر آندا عکس ایستیقامته اوز توتماسی سادهجه بؤلگهیه دئییل، بوتون دونیا و قلوبال ایقتیصادیاتا تأثیر ائدهجک. امریکادان بوندان منفعتی اولا بیلر، آنجاق بیر چوخ اؤلکه بوندان جدی معنادا تاثیرلنجیی اوچون داها جدی نتیجهلر دوغورا بیلر. نه اوچون جدی بحرانلار یارانماسینا سبب اولونور؟ باشقا بحرانلارا احتیاج یوخدور.
آندرسونون "امریکا و ایران آراسینداکی بحرانین سبب اولا بیله جگی ان بؤیوک ریسک ندیر؟ سوالینا اردوغان: "فیکریمجه ایتیرن طرف امریکادیر. ایران ایمضالادیغی راضیلاشمادا گذشته گئتمهیهجکدیر، صادق قالاجاقدیر. امریکا بو راضیلاشمانی قورومادی. اولوسلار آراسی موقاویلهلر ایستنیلدیگی زامان پوزولا یاخود داوام ائتدیریله بیلمز. موقاویلهلر ایمضالانیبدیرسا قورونمالیدیر." دئییب.