امانوئل ماکرون، حسن روحانی ایله تلفون گؤروشمهسی ائدیب
فرانسا پرزیدنتی و ایران پرزیدنتی، 2015ده ایمضالانان نوکلئر موقاویلهنین ترکیبینین قورونماسی، یمن و سوریه مسئلهلرینده گلهجک هفتهلرده بیرلیکده ایشی داوام ائتدیرهجکلری بیلدیریلیب
فرانسا پرزیدنتی امانوئل ماکرون و ایران پرزیدنتی حسن روحانینین، 2015ده ایمضالانان نوکلئر موقاویلهنین ترکیبینین قورونماسی، یمن و سوریه مسئلهلرینده گلهجک هفتهلرده بیرلیکده ایشی داوام ائتدیرهجکلری بیلدیریلیب.
فرانسا پرزیدنت سارایی الیزادان ائدیلن یازیلی آچیقلامادا، ایکی لیدرین بیر تلفون گؤروشمهسی حیاتا کئچیردیگی قید اولونوب.
بیر ساعتدان چوخ داوام ائتدیگی بیلدیریلن گؤروشده ماکرونون، 2015 ده واریلان نوکلئر موقاویلهنین ایچهریگینین و نایلیتلرینین قورونماسی، آیریجا بونونلا باغلی اوچ آیری ساحهده ده ایکی طرفین مذاکیرهلری ائتمهلری بارهده فیکیر بیلدیردیگی وورغولانیب.
آچیقلامادا بو مسئلهلرین، 2025 سونراسی نوکلئر فعالیتلرین نظارتی، ایرانین بالیستیک پروقرامی و اساس بؤلگهسل بحرانلار اولدوغو بیلدیریلهرک، نوکلئر موقاویلهنین محافظه ائدیلمهسی و یمن و سوریه کیمی بحرانلارین قیمتلندیریلمهسی اوچون ایکی لیدرین گلهجک هفتهلرده گؤروشو داوام ائتدیرهجکلری قید ائدیلیب.
بو مسئلهلر حاقیندا بیرلشمیش میللتلر امنیت شوراسینین دایمی عضولری و آوروپالی و بؤلگهسل طرفداشلارلا اونسیت ایچینده، ناظیرلرین و موشاویرلرین قارشیلیقلی موذاکیرهلری گئنیش شکیلده داوام ائتدیرمهلرینده راضی قالدیغینا ایشاره ائدیلن آچیقلامادا آیریجا، فرانسانین 2015 راضیلاشماسینا صادق قالاجاغی و دیگر اوچ مسئلهده ایرهلیلمه قید ائدیلمهسی اوچون موباریزه ائدجگی بیلدیریلدی.
آچیقلامانین سون بؤلومونده ایسه فرانسانین بؤلگهده گرگینلیگی آرتیراجاق هر جور تلاشدان ایمتیناع ائدیلمهسی فیکیرینده اولدوغو خاطیرلادیلیب.