نیجریه-ده ایکی سلاحلی هوجومدا 30 نفر اولدو

باتی افریقا اؤلکه‌سی نیجریه-نین قوزیی – باتی سیندا کئچیریلن ایکی سلاحلی هوجومدا 30 نفر هلاک اولدو.

نیجریه خبر آژانسی‌نین (NAN) یایدیغی معلوماتا گؤره، زامفارا ایالتی‌نین کابارو و دانمانی کندلرینده سلاحلی قروپ طرفیندن حیاتا کئچیریلن هوجوم‌لاردا یارا‌لانان‌لارین دا سایی چوخ‌دور.

ایالت پولیسی‌نین سؤزچوسو محمد شهو، هوجوم‌لار سببیندن اینسان‌لارین قورخودان بؤلگه‌نی ترک ائتمک مجبوریتینده قالدیغینی بیلدیردی.

شهو بؤلگه‌یه گلن تهلوکه‌سیزلیک قوه‌لری‌نین اوچ نفر سلاح‌لی شوبهه‌لینی یاخالادیغینی قئید ائتدی.

بؤلگه‌ده زامان زامان چوبان‌لار ایله اکینچیلر آراسیندا شدت‌لی قارشیدورما‌لار اولور. حیوان‌لارینی اوتارماق اوچون اؤلکه‌نین گونئی ینه کؤچ ائدن فولانیلر اکینچیلرین اونلارین حیوان‌لارینی اوغورلاماغا چالیشدیغینی و اونلارا هوجوم ائتدیگینی ادعا ائدیرلر.

فولانی چوبان‌لاری‌نین خریستیان‌لارین اکثریت تشکیل ائتدیگی گونئی بؤلگه‌لرینده 18-جی عصر ایسلام عالیمی شیخ عثمان دان فودیونون گؤروش‌لرینی یایماغا چالیشدیق‌لاری ایره‌لی سورولور.