امانوئل ماکرون، دونالد ترامپ و ترزا می ایله تلفوندا گؤروشوب
ماکرونون، سوریه‌ده مقصدینه چاتان رژیمین شیمیایی گوجونه قارشی عملیاتینداکی باشاریدان و فرانسیز، آمریکان و اینگیلیس گوجلری آراسی اوستون ایش بیرلیگین‌دن دویدوغو ممنونیتی دیله گتیردیگی قید ائدیلیب
فرانسا پرزیدنتی امانوئل ماکرون، آمریکا‌نین پرزیدنتی دونالد ترامپ و اینگیلتره باش ناظیری ترزا می ایله تلفوندا گؤروشوب.
فرانسا پرزیدنت سارایی الیزا ساراییندان ائدیلن یازی‌لی آچیقلامادا، ماکرونون آمریکا پرزیدنتی ترامپ و اینگیلتره باش ناظیری می ایله کئچیردیگی تلفون گؤروشمه‌سینده، ماکرونون، سوریه‌ده مقصدینه چاتان رژیمین شیمیایی گوجونه قارشی عملیاتینداکی باشاریدان و فرانسیز، آمریکان و اینگیلیس گوجلری آراسی اوستون ایش بیرلیگین‌دن دویدوغو ممنونیتی دیله گتیردیگی قید ائدیلیب.
سوریه‌نین سونوندا باریشا چاتماسی و سیویل اها‌لی‌نین قورونماسی مقصدیله بیرلشمیش میللت‌لر امنیت شوراسی‌نین بیرلیک ایچینده حرکت ائتمه‌سی واجیب‌لیگینی قید ائدیلن آچیقلامادا، " بیرلشمیش میللت‌لر امنیت شوراسی، سوریه‌ده سیاسی، شیمیایی و اینسانی مسئله‌لرده تشببوسو اله آلما‌لی‌دیر" ایفاده‌لرینه یئر وئریلیب.
دیگر طرف‌دن فرانسا باش قرارگاهی‌نین باشقانی فرانسوا لکوینتر ایله مطبوعات کونفرانسی کئچیرن فرانسا ساوونما ناظیری فلورنس پارلی، سوریه‌یه ائدیلن نیظامی عملیاتین هدفینه چاتدیغینی، رژیمین، شیمیایی سیلاح اوره‌تمه حجمینین آزالدیلدیغینی قید ائده‌رک، بون‌دان سونرا دیپلوماتیک و اینسانی ساحه‌ده فعالیته کئچمگین واختی اولدوغونو دئدی.
آمریکا، بؤیوک بریتانیا و فرانسانین سوریه رژیمینه قارشی دونن گئجکی سالدیری چرچیوه‌سینده پایتخت دمشق یاخینلیغیندا بیر شیمیایی سیلاح آراشدیرما مرکزی، خمص‌ون غربینده یئر آلان بیر شیمیایی سیلاح آنباری ایله شیمیایی سیلاح‌لارلا علاقه‌لی بیر قوموتان‌لیق مرکزی‌نین وورولدوغونو بیلدیریلمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
