"قیامت گونو" اوچاغی هاوالاندی
نایتواچ، یاناجاق تقویهسی آلاراق تام ۱ هفته بویونجا هاوادا قالا بیلیر
آمریکانین "قیامت گونو" اوچاغی اولاراق بیلینن ای-۴بی نایتواچ (گئجه کئشیکچیسی) اوچاغینی هاوایا قالدیردیغی ادعا ائدیلدی.
ای-۴بی نایتواچ اوچاغی آمریکا حربی هاوا گوجلرینین خیدمتیندهکی بوئینگ ۷۴۷-۲۰۰ اوچاقلارینین، اولاسی بیر نوکلئر سالدیری دوروموندا امر مرکزی کیمی ایستیفاده ائدیلمک اوزره حاضیرلانمیش و تجهیز اولونموش مدلی.
نایتواچ، یاناجاق تقویهسی آلاراق تام ۱ هفته بویونجا هاوادا قالا بیلیر. اوچاغین اوزرینده قورولان تجهیزات ایسه نوکلئر پاتلامانین ضرر وئریجی عامللریندن قورونموش وضعیتده.
اوچاغیین نیه هاوایا قالخدیغی مسئلهسینده هله ده آچیقلاییجی بیر معلومات وئریلمهدی. بو اوچاقلارین بعضی خاریجی سیاحتلرده آمریکا پرزیدنتینه ائشلیک ائتدیگی بیلینیر.
بو آرادا آمریکا دونانماسینین آغ دنیزه گؤندردیگی یواساس هری ترومن اوچاق گمیسی و باشقا ساواش گمیلری، ویرجینیاداکی نورفولک دنیز مرکزیندن آیریلدی.
اولوسلاراراسی آژانسلارین دونیایا سرویس ائتدیگی فوتوگرافلاردا مینلرجه آمریکا عسگری عائلهلری وداعلاشیرکن گؤرولور.
ایلگیلیلی خبرلر
روسیه خارکوف ویلایتینده راکت هوجومو حیاتا کئچیریب
روسیهنین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب