ایندونزی‌ده ساختا ایچکی‌دن، 100دن چوخ اینسان اؤلدو
پولیس باش دیرکتورو معاوینی محمد سیاف الدین، غربی جاوا و جاکارتا ایالت‌لری باشقا اولماقلا ساختا ایچکی‌دن اؤلنلرین ساییسی‌نین آرتدیغینی بیلدیریب
ایندونزی‌ده ساختا ایچکی‌دن، سون 11 گونده 100دن چوخ اینسان اؤلدو.
پولیس باش دیرکتورو معاوینی محمد سیاف الدین، غربی جاوا و جاکارتا ایالت‌لری باشقا اولماقلا ساختا ایچکی‌دن اؤلنلرین ساییسی‌نین آرتدیغینی بیلدیریب.
سیافروالدین، "ایندونزی‌دکی بوتون امنیت مودورلرینه، اوره‌تیچی‌لر، داغیچیجیلر و ساتیجی‌لاردان، الکول ایله اؤلومجول شیمیایی ماده‌لری چاتیشما فیکری اولان هر کسی آشکارا چیخاریب بو حادثه‌لری کسمک تاپشیریغینی وئردیم" دئدی.
لابوراتووار تست‌لری، پایتخت جاکارتادا کئچیریلن سالدیری‌لاردا اله کئچیریلن قاچاق ایچکی‌لرده متانول اولدوغونو اورتایا قویدو.
غربی جاوا پولیس سؤزچوسو ترونویودو ویسنو آندیکو، دونن وئردیگی آچیقلامادا، بو آی عرضینده ساختا ایچکی‌دن اؤلنلرین ایتیرن‌لرین ساییسی‌نین 76یا چیخدیغینی بیلدیرمیشدی.
جاکارتادا و اطراف شهرلرده سون 1 هفته‌ده ساختا ایچکی ایچدیک‌لری تثبیت ائدیلن 31 آدامین اؤلدوگونو بیل‌دیرن آندیکو، غربی جاوا ویلایتی‌نین اوچ موختلیف یئرینده عینی سبب‌دن اؤلنلرین سایی‌نین 45ه یوکسلدیگینی قید ائتمیشدی.
باندونگ شهری یاخینلیغین‌داکی جیجالنگکادا 90دن چوخ آدامین خسته‌خانایا قالدیریلدیغی معلوماتینی پایلاشان آندیکو، امنیت گوجلری‌نین، ساختا ایچکی اوره تدیک‌لری و یا ساتدیق‌لاری شوبهه‌سیله 7 نفری توتوخلاندیغینی بیلدیرمیشدی.
جیجالنگکاداکی بیر خسته‌خانانین دوکتورو، خسته‌لرین نفس دارلیغی، اوره‌ک بولانمانین، شعور ایتکی‌سی و بولانیق گؤرمه شیکایتیله خسته‌خانایا مراجعت ائتدیگینی سؤیلمیشدی.
جاکارتادا ساختا ایچکی ساتان یئرلره کئچیریلن پولیس عملیات‌لاریندا 4 نفر توتوخلانمیشدی.
