آمریکا، پکاکایا یاردیمی کسیر
وال ایستریت ژورنال قزئتینین آغ ائو یئتکیلیلرینه دایاندیراراق وئردیگی خبره گؤره آمریکا سوریهده گلهجکدهکی رولونو دگرلندیریر
آمریکا پرزیدنتی دونالد ترامپ، خاریجی ایشلر باخانلیغینا، سوریهده ترور هؤرگوتو پکاکا/ی.پ.گنین کنترل ائتدیگی ساحهلرین یئنیدن اینشاسی اوچون آیریلان ۲۰۰ میلیون دلارلیق یاردیمی دوندورما گؤستریشی وئردی.
وال ایستریت ژورنال قزئتینین آغ ائو یئتکیلیلرینه دایاندیراراق وئردیگی خبره گؤره آمریکا سوریهده گلهجکدهکی رولونو دگرلندیریر.
بو چرچیوهده، ترامپین، خاریجی ایشلر باخانلیغینا، سوریهده آمریکا رهبرلیگی آلتینداکی داعش قارشیدی اولوسلارآراسی کوالیسیونون دستگی ایله بؤلوجو ترور هؤرگوتو پکاکا/پ.ی.د-ی.پ.گنین کنترل ائتدیی ساحهلرین یئنیدن اینشاسی اوچون آیریلان ۲۰۰ میلیون دلارلیق یاردیمی دوندورما گؤستریشی وئردیگی بیلدیریلدی.
تعلیماتین، آغ ائو باش کاتیبی جان کلی طرفیندن دیش ایشلرینه وکالت ائدن جان سولیوانا چاتدیردیلدیغی معلوماتی پایلاشیلدی.
قزئت، یئتکیلیلرین آغ ائوین بو گؤستریشی "ترامپین جمعه گونو آمریکا اوردوسونون سوریهدن چکیلهجگینه دایر چیخیشینا پارالل اولاراق" وئردیگینی بیلدیردی.
قزئت، ترور هؤرگوتو داعش علیههینه مباریزهنین سوریهده سون زامانلاردا چیخمازا گیرمهسینین ترامپین قراریندا ائتکیلی اولدوغونو بیلدیردی.
۲۰۰ میلیون دلارلیق علاوه یاردیم سؤزو اسکی خاریجی ایشلر باخانی رکس تیلرسون طرفیندن فوریه آییندا کویتده دوزنلنن داعش قارشیدی کوالسیون توپلانتیسندا وئریلمیشدی.