ناتو و قطر نیظامی آنلاشما ایمضالادیلار
ناتو باش کاتیبی ینس استولتنبرگ و قطر امیری شیخ تمیم بن حمد آل ثانی آراسیندا، بلژیکین باشکندی بروکسلده کئچیریلن ایکیلی گؤروشمهدن سونرا ناتو-دان یازیلی آچیقلاما وئریلیب
ناتو و قطر، اتفاقا باغلی گوجلرین قطر توپراقلارینی ترانزیت اولاراق ایستیفادهسینی و العدید نیظامی پایگاهینی ایستیفاده ائتمهسینه ایمکان وئرهجکلری آنلاشمایا ایمضا آتدی.
ناتو باش کاتیبی ینس استولتنبرگ و قطر امیری شیخ تمیم بن حمد آل ثانی آراسیندا، بلژیکین باشکندی بروکسلده کئچیریلن ایکیلی گؤروشمهدن سونرا ناتو-دان یازیلی آچیقلاما وئریلیب.
گؤروشمهده ناتو و قطر آراسیندا طرفداشلیق و کؤرفز بؤلگهسیندکی امنیت وضعیتینین موذاکیره اولوندوغو بیلدیریلن آچیقلامادا، ناتو گوج و پرسونلینین، قطر اراضیسیندن ترانزیت اولاراق ایستیفاده و ال اودئید نیظامی پایگاهینا چیخیش ایمکانی تامین ائدن بیر موقاویلهیه ایمضا آتیلدیغی قید ائدیلدی.
بو موقاویلهنین بؤلگهده و افغانیستانداکی ناتو میسیون و عملیاتلارینا کؤمک ائدجگی ایفاده ائدیلن آچیقلامادا، استولتنبرگین موقاویلهنی راضیلیقلا قارشیلادیغی وورغولانیب.
آچیقلامادا ناتو و قطر گوجلرینین، لیبیده بیرلیکده چالیشدیغی و سومالینین ساحیللرینده اوغرولوق فعالیتلری بیرلیکده موباریزه ائتدیگی خاطیرلادیلیب.
ایلگیلیلی خبرلر
بمت اوکراینادا آرتان هوجوملارلا باغلی خبردارلیق ائدیب
بمت تهلوکهسیزلیک شوراسیندا اوکرایناداکی اینسانی وضعیتله باغلی حادثهلر موذاکیره ائدیلیب.