پوتین، سوپرسونیک موشک ایله تهدید ائتدی
پوتین، روسیانین باشقا هئچ بیر اؤلکه‌نین صاحب اولمادیغی نوکلئر موشکلر گلیشدیردیگینی آچیقلادی
روسیا پرزیدنتی ولادیمیر پوتین، دونیانین هر بیر یئرینی وورابیله‌جک منزیله صاحب یئنی نسیل سس‌دن سرعت‌لی موشک گلیشدیردیکلرینی سؤیله‌دی.
ولادیمیر پوتین، آچیقلامانی فدرال مجلسین عضولرینه خطابا گله‌نکسل ایللیک چیخیشین‌دا سؤیله‌دی.
پوتین، روسیانین باشقا هئچ بیر اؤلکه‌نین صاحب اولمادیغی نوکلئر موشکلر گلیشدیردیگینی آچیقلادی.
گئچن ایل سونون‌دا یئنی بیر سوپرسونیک نوکلئر موشکین سیناغینی ائتدیکلرینی دیله گتیر‌ن پوتین، بو یئنی موشکین دونیانین هارداسا هر نقطه‌سینه چاتاجاغینی بیلدیردی.
پوتین بو یئنی نوکلئر باشلیغین هئچ بیر موشک‌سووار طرفین‌دن وورولاممایاجاغینی قید ائتدی.
روسیا، یا دا متفیقلرین‌دن بیرینه قارشی نوکلئر سلاح ایستیفاده ائدیلمه‌سی حالین‌دا، بو سالدیرییا روسیایا ائدیلمیش بیر سالدیری گؤزو ایله باخیلیب درحال جاواب وئریله‌جیینی وورغولایان روسیا لیدئری، کروز موشکلری طرفین‌دن داشیناجاق یئنی کیچیک نوکلئر باش‌لیقلار گلیشدیرمک‌ده اولدوقلارینی دا بیلدیردی.
پوتین آیریجا، نوکلئر باش‌لیقلار داشیابیله‌جک یئنی بیر سو آلتی درونو تست ائتدیکلرینی ده پایلاشدی.
