بیرلشمیش میللت‌لر امنیت شوراسی سوریه‌ده بیر آی "اینسانی آتشکس" قراری آلدی
سوئد و بیرلشمیش میللت‌لر امنیت شوراسی فوریه آیی صدری کویت طرفین‌دن حاضیرلانان قطنامه لاییحه‌سی شورادا سس وئرمه‌یه تقدیم اولوندو
بیرلشمیش میللت‌لر امنیت شوراسی سوریه‌ده بیر آی "اینسانی آتشکس" قراری آلدی.
سوئد و بیرلشمیش میللت‌لر امنیت شوراسی فوریه آیی صدری کویت طرفین‌دن حاضیرلانان قطنامه لاییحه‌سی شورادا سس وئرمه‌یه تقدیم اولوندو.
یکدیل‌لیکله قبول ائدیلن قطنامه ایله سوریه‌یه اینسانی یاردیم چات‌دیرماق و خصوصیله رژیمین محاصیره‌سی آلتیندا اولان شرق غوطه‌دکی وضعیتی آغیر خسته و یارا‌لی‌لارین تخلیه‌سی اوچون ان آز بیر آی مدتینه اینسانی آتشکس قراری آلینیب.
قطنامه‌ده سوریه ایچینده اینسانی یاردیم‌لارین اعتبارلی، مانعه‌سیز و داوام‌لی بیر شکیلده چاتدیریلماسی و وضعیتی آغیر خسته و یارا‌لی‌لارین آزاد ائدیلمه‌سی اوچون بوتون طرف‌لردن گئجیکمه‌دن موناقیشه‌لری ان آز 30 گون دایاندیرما‌لاری طلب ائدیلیب.
قراردا همچینین خصوصیله رژیمین محاصیره‌سی آلتیندا اولان اینسانی وضعیتین هیجان وئردیگی شرق غوطه‌ده ده داخیل یارموک، فوا و کفرایاداکی محاصیره‌لرین قالدیریلماسی طلب ائدیلیب.
قرارا گؤره، سوریه‌ده داعش، القاعده، النصره جبهه‌سی و بیرلشمیش میللت‌لر امنیت شوراسی طرفین‌دن معین ائدیلن دیگر ترورچو قروپ‌لار ایله بون‌لارلا علاقه‌لی شخص و قروپ‌لارا قارشی حربی عملیات‌لارا داوام ائدیله‌جک.
آمریکانین بمت دایمی نماینده‌سی نیکی هیلی، سس وئرمه سونراسی چیخیشیندا، آتشکسین بوتون اؤلکه ایچینده درحال تطبیق ائتمه‌یه باشلاماسی چاغیریشی ائتدی.
سوریه رژیمی‌نین و هاوادارلارین شرق غوطه‌دکی بومباردمانی دایاندیرماسی و اینسانی یاردیم گیریشینه بیر آن اوّل ایجازه وئرمه‌سی سون درجه اهمیت‌لی اولدوغونا دقتی چکن هیلی، بو بحرانا موداخیله ائتمکده چوخ گئجیکمیشیک دئدی.
روسیانین بمت دایمی نماینده‌سی واسیلی نبنزیا ایسه آتشکسین درحال ایجرایه قویولماسی‌نین طلب ائدیلدیگینی آنجاق بونون تطبیق اولونا و مومکون اولمادیغینی دوشوندوک‌لری اوچون قرار اوزرینده راضیلاشمانین اوزون سوردوگونو دئییب.
نبنزیا، بمت تش-ده قبول ائدیلن قرارین سوبیکتیو شرح اولونماسینا ایسه ایمکان وئرمه‌یه‌جک‌لرینی وورغولاییب.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
