کرملیندن اوچلو ذیروه آچیقلاماسی
کرملین سؤزچوسو دیمیتری پسکوو، روس، تورک و ایرانلی لیدرلر آراسیندا بیر گؤروشمه اوچون هله تقویم معین اولونمادیغینی، آنجاق لازیملی گؤرولمهسی حالیندا بئله بیر ایجلاسین کئچیریلمهسینین احتیمالدان کنار اولمادیغینی دئییب
کرملیندن اوچلو ذیروه آچیقلاماسی
کرملین سؤزچوسو دیمیتری پسکوو، روس، تورک و ایرانلی لیدرلر آراسیندا بیر گؤروشمه اوچون هله تقویم معین اولونمادیغینی، آنجاق لازیملی گؤرولمهسی حالیندا بئله بیر ایجلاسین کئچیریلمهسینین احتیمالدان کنار اولمادیغینی دئییب.
پسکوو روسیانین پایتختی موسکوادا ژورنالیستلره ائتدیگی آچیقلامادا، روسیا پرزیدنتی ولادیمیر پوتینین سوریه مسئلهسینده پرزیدنت رجب طیب اردوغان و ایران پرزیدنتی حسن روحانی ایله داواملی تماس حالیندا اولدوغونا ایشاره ائدیب.
اوچ اؤلکهنین لیدری آراسیندا بیر گؤروشمه اوچون ایسه هله بیر تقویم معین ائتمدیگینی ایفاده ائدن پسکوو،
"آنجاق لیدرلر، بئله بیر ایجلاسین لازیم اولماسی حالیندا کئچیریلمهسی لازیم اولاجاغینی احتیمال کنار گؤرمورلر" دئیه دانیشدی.
پوتین و روحانی آراسیندا دونن کئچیریلن تلفون دانیشیغیندا سوریهدکی وضعیت قیمتلندیریلمیش و ایکی لیدر، روسیا، ایران و تورکیه آراسیندا آستانا پروسهسینه دایر آپاریلان اوغورلو امکداشلیغینا دقتی چکمیشدیلر.