سرگئی لاوروف:"النصرا " جبهه‌سی خاریجی اولکه لردن یاردیم آلیر"
روسیا خاریجی ایشلر ناظیری سرگئی لاوروف "النصرا " جبهه‌سی‌نین (یئنی آدی ایله فتح الشام) خاریجی اؤلکه‌لردن یاردیم آلدیغینی گؤستردیگینه دایر ال لرینده معلومات اولدوغونو بیلدیردی.
روسیا خاریجی ایشلر ناظیری سرگئی لاوروف "النصرا " جبهه‌سی‌نین (یئنی آدی ایله فتح الشام) خاریجی اؤلکه‌لردن یاردیم آلدیغینی گؤستردیگینه دایر ال لرینده معلومات اولدوغونو بیلدیردی.
"سوریه-نین صاباحی" آدلی موخالیفت قروپونون لیدری احمد جاربا ایله گؤروشوندن سونرا آچیقلاما وئرن لاوروف دئدی کی،"النصرا" مقاومتینی داوام ائتدیریر. الیمیزدکی معلومات‌لارا گؤره تشکیلات اؤلکه خاریجیندن یاردیم آلیر.
بوگون اعتباری ایله ترورلا موباریزه‌ده اساس وظیفه‌نین "النصرا"ی مغلوب ائتمک اولدوغونو دا قئید ائدن لاوروف سوریه اردوسو و متفیق‌لری‌نین روسیانین دستکی ایله “النصرا" عضو‌لرینه تضییق ائتدیگینی وورغولادی.
داعش-ین سوریه-ده کی وضعیتی باره‌ده ده معلومات وئرن لاوروف تشکیلاتا دقیق شکیلده ضربه ائندیریلدیگینی و سوریه-ده کی اساس دؤیوشون باشا چاتدیغینی وورغولادی.
لاوروف "سوریه-ده مثبت دییشیک‌لر گؤروروک. داعشه دقیق ضربه ائندیریلدی. دؤیوش میدانیندان قاچان بعضی سلاح‌لی‌لار سوریه-ده یئنی‌دن قروپ‌لاشماق و اؤلکه خاریجینه قاچماق اوچون جهد گؤسترسه ده آنا محاربه‌نین باشا چاتدیغی آشکاردیر" دئیه بیلدیردی.
دیگر طرف‌دن لاوروف سوریه-لی لرین و سوریه-لی طایفه لیدرلری‌نین میللی دیالوگ کنگره سینه بؤیوک دستک وئردیگینی دئدی.
لاوروف ژنو دانیشیقلارینا قاتیلان سوریه-نین اؤلکه‌دن کنارداکی موخالیفت نماینده‌لری‌نین سوچی-یه دعوت ائدیلدیگینی ده سؤزلرینه علاوه ائتدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
