چین اوصولو سوسیالیزم، چین اونیورسیتهلرینده درس اولاراق ایشلنهجک
چین مطبوعاتیندا یئر آلان خبرلرده، بو مرکزلرده چالیشاجاق اولانلارین 'فیل دیشی بورجلاریندا اوتورمایاجاغیق و شینین تعلیمینی حیاتین هر ساحهسینه یایماق اوچون موباریزهیه قاتقی وئرجگی ایفاده ائدیلدی
چین دولت باشقانی شی جینپینگین اینکیشاف ائتدیردیگی 'یئنی دؤور اوچون چین اوصولو سوسیالیزم تعلیمی، چین اونیورسیتهلرینده درس اولاراق ایشلنهجک.
چینین ان آز 20 اونیورسیتهسینده، چین دولت باشقانی و چین کومونیست پارتیسی مرکزی کومیتهسی باش کاتیبی شی جینپینگین، کومونیست پارتینین 19. میللی کونگرهسینده آچیقلامیش اولدوغو 'یئنی دؤور اوچون چین اوصولو سوسیالیزم تعلیمینین اؤغرتیلهجگی آراشدیرما مرکزلر قورولاجاق.
چین مطبوعاتیندا یئر آلان خبرلرده، بو مرکزلرده چالیشاجاق اولانلارین 'فیل دیشی بورجلاریندا اوتورمایاجاغیق و شینین تعلیمینی حیاتین هر ساحهسینه یایماق اوچون موباریزهیه قاتقی وئرجگی ایفاده ائدیلدی.
بو چرچیوهده قیسا مدت اوّل بونیهسینده بیر شی تعلیملرینی آراشدیرما مرکزی قورولموش اولان هونان نورمال اونیورسیتهسینین ایدارچیسی جیان هونگخین، پیپل'س دییلییه" شی جینپینگین یئنی دؤور اوچون چین اوصولو سوسیالیزم 'آنلاییشینی ایش حیاتیندا، چؤلده باییردا و حومه سمتینده یایماق و تبلیغ ائتمک اوچون بیر چوخ متخصص و پروفسور بیر آرایا گتیریریک "دئدی.
رنمین اونیورسیتهسینین چن خیاندا ایسه پکن مرکزلی گوانگمینگ دییلییه دانیشاراق "(قورولماقدا اولان) بو مرکزلرین یگانه میسیونو شی جینپینگین 'یئنی دؤور اوچون چین اوصولو سوسیالیزم تعلیمینین پروقراما یئرلشدیریلهرک مکتبلرده و طلبهلر ذهنینده یئر ائتمهسینی تامین ائتمک اولاجاق" دئدی.
بیر اینستیتو رهبری بو مرکزلرین قورولماسینین، شینین، 'گنجلرین اؤیردیلمهسی چاغیریشینا بیر جواب اولدوغو آچیقلاماسینی ائدرکن بیر دیگری ایسه بونون، شینین تعلیمینین و 19. میلی کونگرهنین روحونون مکتبلرین تملینه یئرلشدیریلمهسی اوچون بیر رهبر اولدوغونو سؤیلهدی