ایسپانیا، کاتالونیایا جمعه‌یه قدر واخت وئردی
پویگدمونتون" هله ده بو وضعیتی حلّ ائتمه‌یه باشلاماق ایمکانی وار. موستقیل‌لیک بیاننامه‌سی مسئله‌سینده بلی یا دا خیر جوابینی وئرمک مجبوریتینده" دئدی
ایسپانیا باش ناظیری‌نین معاوینی ثرایا سائنز ده سانتاماریا، کاتالونیایا موستقیل‌لیک اعلان ائدیب ائتمدیگینی آچیقلاماسی اوچون جمعه‌یه قدر واخت وئریلدیگینی بیلدیریب.
ژورنالیست‌لره آچیقلاما وئرن سئنز ده سانتاماریا،کاتالونیا لیدری کارلس پویگدمونتون ایسپانیا‌دان موستقیل اولماق طلبینی سالماماسی حالیندا آنایاسانین 155-جی ماده‌سی ایله اویغون اولا‌راق مادریدین کاتالونیا موختار ویلایتی‌نین نظارتینی الینه آلما احتیمالی‌نین اولدوغونو دئدی.
1 اوکتوبرداکی موباحیثه‌لی موستقیل‌لیک رفراندومونون آردین‌دان پویگدمونتا یؤنلتدیک‌لری موستقیل‌لیک اعلان ائتدین بیلرمی سوالینا هله ده جواب آلمادیغینی بیلدیرن سانتاماریا،
پویگدمونتون" هله ده بو وضعیتی حلّ ائتمه‌یه باشلاماق ایمکانی وار. موستقیل‌لیک بیاننامه‌سی مسئله‌سینده بلی یا دا خیر جوابینی وئرمک مجبوریتینده" دئدی.
ایسپان مسئول،
بلی یا دا خیر دئمک چوخ چتین دئییلدی. سوروشولان سوال بو ایدی و جوابی قاماشیق اولمامالیدی" ایفاده‌لرینی ایستیفاده ائتدی.
سائنز ده سانتاماریا، پویگدمونتون دیالوق چاغیریشی‌نین ده ایناندیریجی اولمادیغینی و بو مسئله‌نین مذاکیره‌سی لازیم اولان یئرین ایسپانیا پارلامنتی اولدوغونو دئدی.
سائنز ده سانتاماریا، کاتالونیایا بو باره‌ده جمعه آخشامی تورکیه ساعتی ایله 11.00ه قدر کاتالون نماینده‌لره مدت تانیدیق‌لارینی بیلدیریب.
ایسپانیا باش ناظیری ماریانو راجوی‌ون دا جمعه‌یه قدر موقعیتینی دقیقلشدیرمه‌سی اوچون پویگدمونتا مکتوب یازدی.
راجوی همچینین مکتوبدا کاتالون لیدر پویگدمونتا ایسپانیا پارلامنتینده چیخیش ائتمه‌سی تکلیف ده وئردی.
مادرید بو گون 11.00ه قدر بو مسئله‌دکی موقعیتینی دقیقلشدیرمه‌سی اوچون داها اوّل کاتالونیایا مدت وئرمیش، لاکین کاتالون لیدر هر هانسی بیر آچیقلاما وئرممیشدی.
پویگدمونت 2 آیلیق بیر دیالوق مدتی طلب ائتمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
