آمریکا پرزیدنتی مون جائه این و آنگلا مرکل ایله تلفوندا دانیشدی

امریکا پرزیدنتی دونالد ترامپ گونئی کره جمهور باشقانی مون جائه این و آلمانیا باش ناظیری آنگلا مرکل ایله قوزیی کره مسئله‌سینی موذاکیره ائتدی.

بو باره‌ده آغ ائو معلومات یاییب.

یاییلان معلوماتا اساساً، ترامپ قوزیی کره-نین سپتامبرین 3-ده هیدروژن بومباسینی سیناق ائتمه‌سی ایله علاقه‌لی مون و مرکل ایله تلفونلا گؤروشوب. لیدئرلرین قوزیی کره تهدیدینه قارشی بیرگه موقع اورتایا قویدوق‌لاری بیلدیریلدی.

ترامپ -مون گؤروشونده قوزیی کره-نین بوتون دونیایا قارشی تهدید اولدوغو وورغولاندی. ایکی لیدئرین ال لریندکی بوتون واسطه‌لردن ایستیفاده ائده‌رک قوزیی کره اوزریندکی فشارین آرتیریلماسی باره‌ده راضی‌لیق الده ائتدیک‌لری بیلدیریلدی.  

پرزیدنت ترامپ همچنین گونئی کره-نین آمریکادان میلیاردلارلا دو‌لارا سلاح و مهماتین الده ائتمه‌سینی بیندیگینی سؤیله‌دی.

ترامپ ایله مرکل آراسینداکی تلفون دانیشیغینا دایر آغ ائوین یایدیغی معلوماتدا ایسه بیلدیریلدی کی، ایکی لیدئر ده قوزیی کره-نین داوام ائدن لاقید و تهلوکه‌لی آددیمینی پیسله‌دی. بمت داخیلیندکی یاخین کووردیناسیونون داشیدیغی اهمیت وورغولاندی. پرزیدنت ترامپ قوزیی کره-نین بو سون آدیمی‌نین ساده‌جه اولوسلار آراسی توپلومون بو اؤلکه‌نین قاداغان عملیات‌لارینا قارشی قرارلی اولدوغونو گوجلندیرمه‌یه خیدمت ائدجگینی وورغولادی.  

تلفون دانیشیغیندا قوزیی کره –ه قارشی بوتون سئچیم‌لرین ماسادا اولدوغونون ایفاده ائدیلدیگی ده بیلدیریلدی.