آمریکادان ونزوئلایا تحریم
آمریکا، ونزویلادا آنایاسانی دییشدیرمیی هدفلهین قوروجو مجلیسی دستکلدیکلری سببیله، 8 اجتماعی مسئولو حاقیندا داها تحریم قراری آلدی
آمریکا، ونزویلادا آنایاسانی دییشدیرمیی هدفلهین قوروجو مجلیسی دستکلدیکلری سببیله، 8 اجتماعی مسئولو حاقیندا داها تحریم قراری آلدی.
بو اینسانلار ایچینده، کئچمیش ونزویلا پرزیدنتی هوگو چاوئزین قارداشی آدان کوروموتو چاوئز ده وار.
آمریکا خزینه ناظیرلیگی خاریجی آکتیولر کونترول اوفیسیندن (OFAC) ائدیلن یازیلی آچیقلامادا، ونزویلا دولت باشقانی نیکولاس مادورو حکومتینین قوروجو مجلیسی، اؤلکه خالقینین ایرادهسینی هئچه سایان آنتی دموکراتیک بیر مدتله قوردوغو وورغولاناراق، مجلیس عضولرینین ایش باشینا گلیر گلمز، باش ساوجیسی لوییزا اورتگا دیازی وظیفهسیندن آلدیغی بیلدیریلیب .
باش ساوجیسی، قوروجو مجلیس سئچیملرینده نتیجهلرله اویناندیغینا دایر ادعالار حاقیندا سوروشدورما آچاجاغینی آچیقلادیقدان سونرا وظیفهدن آلینمیشدی.
اؤلکهنین آنایاساسینی یئنیدن یازماغی و بعضی دولت تشکیلاتلارینی لغو ائتمهیه هدفلهین قوروجو مجلیسی دستکلدیکلری اوچون تحریم لیستهسینه آلینان ونزوئلالی مسئوللارین آدلاری بئله: آدان کوروموتو چاوئز، فرانجیسکو خوزه آملیچه، اریکا دل وال فاریاس، کارمن ترزا ملندز، رامون داریو ویواس، هرمن ادواردو اسکارا، تانیا د آملیو کاردیت و بلادیمیر هومبرتو لوگو.
بو اینسانلاردان چاوئز، ونزویلانین کئچمیش پرزیدنتی هوگو چاوئزین قارداشی اولدوغونا گؤره دیقت چکیب. چاوئز، یئنی قورولان قوروجو مجلیسین پرزیدنت کومیسیونونون ناظیری تعیین ائدیلدی.
آمریکا رهبرلیگی، ونزوئلادا آنایاسانین یئنیدن یازیلماسی اوچون 30 ژوئیهده ائدیلن قوروجو مجلیس سئچیمینین آردیندان اؤلکهنین پرزیدنتی نیکولاس مادورو حاقیندا دا تحریم قراری آلمیشدی.
آمریکانین تحریم لیستهسینه آلینان اینسانلارین اؤلکهدکی بوتون مال وارلیقلاری دوندورولورکن، آمریکالیلارین بو اینسانلارلا علاقه یاراتماسی دا قاداغان.