پوتین‌ین، آبخازیا سفری اعتراضلار سبب اولدو
پوتین، آبخازیا ایله روسیا آراسیندا خصوصی بیر باغ اولدوغونو مدافعه ائده‌رک، امنیت و توریزم کیمی موضوعلاردا ایش بیرلیگینی آرتیرا‌جاق‌لارینی سؤیله‌دی
روسیا دولت باشقانی ولادیمیر پوتین، گورجوستان‌دان تک طرف‌لی باغمسیزلیغینی اعلان ائدن آبخازیانی زیارت ائتدی.
پوتین، سفر زامانی مطبوعات منسوب‌لارینا ائتدیگی آچیقلامالاردا، آبخازیا ایله روسیا آراسیندا خصوصی بیر باغ اولدوغونو مدافعه ائده‌رک، امنیت و توریزم کیمی موضوعلاردا ایش بیرلیگینی آرتیرا‌جاق‌لارینی سؤیله‌دی.
پوتین، نیظامی دستک وئرمه‌یه حاضیر اولدوق‌لارینی ایفاده ائتدیگی آبخازیانین قارانتؤرلوغونو داوام ائتدیره‌جک‌لرینی قید ائتدی.
پوتین‌ین آبخازیا زیارتی، آمریکان باشقان کؤمکچی‌سی مایک پنس‌ین گورجوستانین پایتختی تیفلیس تماس‌لاریندا بیر هفته سونرا رئال‌لاشدی.
اوکراین دولت باشقانی پترو پوروشنکو و گورجوستان پرزیدنتی جیورجی مارگوئلاشویلی، پوتین‌ین بین الخالق جمعیتین تانیمادیغی تک طرف‌لی موستقیل‌لیگینی اعلان ائدن آبخازیانی زیارت ائتمه‌سینی قینادی.
اوکراین دولت باشقان‌لیغی مطبوعات مرکزین‌دن ائدیلن آچیقلامادا پوروشنکو، مارگوئلاشویلی ایله ائتدیگی تلفون گؤروشمه‌سینده گورجوستانا قارشی روس سالدیرقانلیغی‌نین 9. ایل دؤنومونده گورجو خالقی ایله همرای‌لیک ایچری‌سینده اولدوغونو ایفاده ائتدی.
پوروشنکو، اوکراینین، گورجوستانین اراضی بوتؤو‌لوگونو دستکلدیگینی و دستکلمه‌یه داوام ائدجگینی وورغولادی.
مارگوئلاشویلی ایسه گورجوستانین اوکراینین دستگینی حیس ائتدیگینی قید ائده‌رک، تشککور ائتدی.
آبخازیا و جنوبی اوستیا، 2008-جی ایلده گورجوستان‌دان تک طرف‌لی موستقیل‌لیک اعلان ائتمیشدی.
تیفلیسی رهبرلیگی‌نین عسگر گؤندرمه‌سینه جواب روسیا سالدیرییا کئچمیش و گورجو اوردوسونو بو بؤلگه‌لردن چیخارمیشدی.
