آمریکا کؤرفز بحرانینی حل ائتمک اوچون تلاش ائدیر
کویت کونا خبر آژانسینا گؤره، جارالله آمریکا دولت کاتیبینین معاوینی تیموتی لندرکینگ و تقاودچو ژنرال آنتونی زینی ایله گؤروشدو
کویت خاریجی ایشلر ناظیرینین معاوینی خلد الجارالله، کؤرفز بحرانینی حل ائتمک اوچون اؤلکهسینه گئدن آمریکالی فعاللارلا گؤروشدو.
کویت کونا خبر آژانسینا گؤره، جارالله آمریکا دولت کاتیبینین معاوینی تیموتی لندرکینگ و تقاودچو ژنرال آنتونی زینی ایله گؤروشدو.
گؤروشده، کؤرفز بحرانینین حلّیله علاقهدار آتیلان آددیملارین یانیندا ایکی اؤلکه آراسینداکی دوستلوق علاقهلری، بؤلگهسل و بین الخالق ساحهده یاشانان سون اینکیشافلار اله آلیندی.
لندرکینگ و زینی، کویتین واسیطهچیلیک تلاشلارینی دستکلدیگینی وورغولادی.
آمریکان خاریجی ایشلر ناظیرلیگیندن، آدینین آچیقلانماسینی ایستمهین بیر مسئول، قطر و دؤرد کؤرفز اؤلکهسی آراسیندا یاشانان گرگینلیگی حل ائتمک اوچون، بؤلگهیه اوست سویه ایکی مسئول یوللادیقلارینی بیلدیرمیشدی.
مسئول،
"تقاودچو ژنرال آنتونی زین و خاریجی ایشلر ناظیرینین معاوینی وکیلی تیموتی لندرکینگ، طرفلرله اونسیت قورماق و کویت حکومتینین واسیطهچیلیک ایشلرینه دستک وئرمک اوچون بو هفته کؤرفز بؤلگهسینه گئتدی." ایفادهسینی ایستیفاده ائتدی.
کؤرفزدکی بحران، سعودی عربیستانی، بیرلشیک عرب امیرلیکلری، یمن، میصر و بحرینین، 5 ژوئنده، قطر ایله بوتون دیپلوماتیک علاقهلرینی کسدیکلرینی دویورماسییلا باش وئرمیشدی.
بو اؤلکهلرهاوا لیمانلارینی باغلادیقلاری قطردن دیپلوماتلارین 48 ساعت عرضینده اؤز اراضیلریندن گئری چکیلمهسینی ایستهمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.