چین: کوره یاریماداسیندا چاتیشما یا دا دؤیوشه قارشیییق
لیو، تشکیل ائتدیگی مطبوعات کونفرانسیندا، هدفلرینین قوزئی کورهنین نوکلئر سیلاحسیزلانماسی اولدوغونو و بو هدفه ده دیالوق و موذاکیرهلرله چاتیلماسی لازیم اولدوغونو وورغولادی
چینین بیرلشمیش میللتلر (بمت) دایمی نمایندهسی لیو جی یی، قوزئی کوره و آمریکا آراسیندا آرتان گرگینلیگه باغلی،
"کوره یاریماداسیندا چاتیشما یا دا دؤیوشه قارشیییق." دئدی.
لیو، تشکیل ائتدیگی مطبوعات کونفرانسیندا، هدفلرینین قوزئی کورهنین نوکلئر سیلاحسیزلانماسی اولدوغونو و بو هدفه ده دیالوق و موذاکیرهلرله چاتیلماسی لازیم اولدوغونو وورغولادی و
"بو هدفلرین بین الخالق جمعیت طرفیندن ده پایلاشیلدیغینا اینانیریق." دئدی.
علاقهدار اؤلکهلر آراسیندا بو مرحلهده تأسف کی، دیالوق قورولمادیغینی و موذاکیرهلره باشلانماسی اوچون اؤن شرطلر اورتایا قویولدوغونو ایفاده ائدن لیو، چینین موذاکیره ائدیلمیش بیر حلّ اوچون مشغول اولدوغونو و روسیا ایله بیر یول خریتهسی تعیین چالیشدیقلارینی بیلدیریب.
لیو، قوزئی کورهنین موشک سیناقلارینا داوام ائدهرک، آمریکانین دا بؤلگهیه ایستراتژی بومباردمان اوچاقلاری گؤندرهرک گرگینلیگی داها دا آرتیردیغینا دقتی چکدی.
چین سفیری لیو، آمریکانین چینه، قوزئی کوره موضوعسوندا حرکته کئچمهسی چاغیریشینا باغلی،
"قوزئی کورهنین نوکلئر سیلاحسیزلانماسی موضوعسوندا داواملی چینین رولوندان بحث ائدیلیر. قوزئی کوره و آمریکا اؤز مسئولیتلرینی یئرینه یئتیرمزسه، چین، نه ائتسه ائتسین، تلاشلاری نتیجه وئرمیر. اصل مسئولیت بو ایکی اؤلکهیه عاید، چینه دئییل." ایفادهسینی ایستیفاده ائتدی.