دونالد ترامپ حاقیندا ایلک وظیفهدن آلما لاییحهسی تقدیم ائدیلدی
بونون، کونگرهدن کئچمهسی اوزاق بیر احتیمال اولسا دا ترامپ حاقیندا رسمی بیر پروژه اولاراق قیدلره کئچهجگی اوچون اهمیتلی بیر آددیم اولدوغو ایفاده ائدیلیر
آمریکانین کالیفورنیا ایالتی نمایندهلریندن دموکرات برد شرمن، نمایندهلر مجلیسینه روسیانین 2016 سئچیملرینه قاریشماسینا یؤنلیک سوروشدورما زامانی عدالتی مانع تؤرتدیگی ادعاسییلا، آمریکا پرزیدنتی دونالد ترامپین وظیفهدن آلینماسینی طلب ائدن بیر جینایت دایاغی پروژهسی تقدیم ائتدی.
وظیفهدن آلما طلب شرمن، ترامپین پرزیدنت سئچیمینده روسیا ایله گیزلی موقاویله باغلادیغی ادعالارینین سوروشورولدوغو سیرادا اسکی اف.بی. آی دیرکتوروجیمز کومی بیردن وظیفهدن آلماسینین عدالتی مانع تؤرتمهیه چاتان بؤیوک بیر جینایت اولدوغونو ادعا ائتدی.
کومیین ترامپین اؤزوندن اسکی میلی امنیت مصلحتچیسی مایکل فلین حاقینداکی سوروشدورمای لغو ائتمهسینی طلب ائتدیگینه یؤنلیک ادعالاری دا خاطیرلادان شرمن، "بوتون بونلاردا دونالد ترامپ بیر باشقان اولاراق گوونینین عکسینه، آنایاسا حکومتی داغیدیجی، قانون و عدالتین یوکسک مقصدینه اؤن فیکیرلی و آمریکا خالقینا یؤنلیک اینجیدیجی بیر رفتار آلمیشدیر. بو سببله، دونالد ترامپ گوناهکار اولماغی و محاکیمه و وظیفهدن آلینما حاق ائتمیشدیر. " ایفادهلرینی ایستیفاده ائتدی.
بونون، کونگرهدن کئچمهسی اوزاق بیر احتیمال اولسا دا ترامپ حاقیندا رسمی بیر پروژه اولاراق قیدلره کئچهجگی اوچون اهمیتلی بیر آددیم اولدوغو ایفاده ائدیلیر.
ترامپ حاقیندا ایلک دفعه بئله بیر طلب رسمی اولاراق کونگرهه بیلدیریلیرکن، کونگرهدکی دموکراتلار شیکایتی تمکینلی قارشیلادی.
آنجاق آغ ائوین اعتراضی آغیر اولدو.
آغ ائو سؤزچوسو سارا هاکبی سندرز، "بونون سؤزون تام مناسییلا تامامیله گولونج و سیاسی اویونون ان پیس حالی اولان بیر آددیم اولدوغونو دوشونورم." قیمتلندیرمهسینی ائتدی.
براد شرمنین وظیفهدن آلما طلبینی بو آنا قدر یالنیز تکزاس ایالتی دموکرات پارتی نمایندهلریندن آل گرین دستکلهدی.
شرمنین طلبی هله سس وئرمهیه گتیریلمهدی آنجاق سس وئریلمهسی وضعیتینده جمهوریتچیلر طرفیندن آسانجا رد ائدیلهبیلهجگی یازیلیر.
ایلگیلیلی خبرلر
فرانسهده مسجیده عرقچی هوجوم
لیونون ان قدیم مسجیدی اولان کروا-رُز سمتیندهکی قبا مسجیدینه عرقچی هوجوم ائدیلیب