آمریکادا اوچاق دوشدو
اوچاغین جکسونون 135 کیلومتر قوزئیینده دوشدوگو بیلدیریلدی
![آمریکادا اوچاق دوشدو](http://cdn.trt.net.tr/images/xlarge/rectangle/f412/bbd4/5790/59643ae75c446.jpg?time=1718422775)
آمریکانین میسیسیپی ایالتینده دنیز گوجلرینه عاید اولدوغو ایفاده ائدیلن حربی بیر نقلیات اوچاغینین دوشمهسی نتیجهسینده 16 نفر اؤلدو.
میسیسیپینین دلتا بؤلگهسیندکی سانجه ایله ایلگیلی یئرلی مئدیایا آچیقلاما وئرن لفلور شریفی ریکی بانکس، سی-130 تیپی بیر حربی نقلیات اوچاغینین جکسونون 135 کیلومتر قوزئیینده دوشدوگونو بیلدیردی.
لفلور اداری بؤلگهسی عاجل یاردیم مودورو فرد راندل ایسه اوچاغین دوشدوگو بؤلگهده 16 جسدین تاپیلدیغی معلوماتینی پایلاشدی.
میسیسیپی عاجل یاردیم یؤنهتیمی آژانسی مودورو لی سمیتسون دا یئرلی مئدیایا وئردیگی آچیقلامادا، اوچاغین جکسونون قوزئیینده لفلور سان فلاویر اداری بؤلگهسی سرحدینده کوللوق و بیتکی اؤرتوگو ایله اؤرتولو بیر ساحهده دوشدوگونو ایفاده ائتدی.
دنیز گوجلرینین داها چوخ یاناجاق و ملزمه داشیماق اوچون ایستیفاده ائتدیگی سی-130 تیپی اوچاقلار، سویوق ساواش دؤورو سی-130 هرکوللارین فرقلی بیر نؤوعو اولاراق پروانهلی و 4 موتورلودور.