دونالد ترامپ، عربیستان کرا‌لی و قطر امری ایله تلفوندا آیری-آیری دانیشدی
آغ ائو، ترامپین کؤرفز اؤلکه‌لری لیدرلریله ائتدیگی تلفون گؤروشمه‌لریله باغلی یازیلی بیر آچیقلاما ائتدی
آمریکا پرزیدنتی دونالد ترامپ، قطر بحرانی یله باغلی سون گلیشمه‌لری سعودی عربیستانی کرا‌لی سلمان بن عبدالعزیز، قطر امری شیخ تمیم بن حمد آل ثانی و بیرلشیک عرب امیرلیک‌لری ولیعهد شاهزاده‌سی محمد بن زاید آل نهیان ایله تلفوندا آیری-آیری دانیشدی.
آغ ائو، ترامپین کؤرفز اؤلکه‌لری لیدرلریله ائتدیگی تلفون گؤروشمه‌لریله باغلی یازیلی بیر آچیقلاما ائتدی.
آچیقلامادا، ترامپین، قطر و بعضی عرب اؤلکه‌لری آراسیندا داوام ائدن آنلاشمازلیقلا علاقه‌دار قایغی‌لارینی دیله گتیردیگی وورغولانیب.
ترامپین ترورون فینانسمانی‌نین دایاندیریلماسی و رادیکال ایدئولوژی‌ین اعتیبارسیزلاشدیریلماسی‌نین اهمیتینه دقت چکدیگی ایفاده ائدیلن آچیقلامادا، "باشقان، ریاض ایجلاسیندا اورتایا قویولان 'ترورون مغلوب اولماسی و ' بؤلگه‌سل ثابیتلیگین یاییلماسی مقصدلرینه چاتیلماسی اوچون بؤلگه‌دکی بیرلیگین کریتیک اولدوغونو وورغولادی." ایفاده‌سی ایستیفاده ائدیلدی.
آچیقلامادا آیریجا، ترامپین بو مدت‌دکی مقصدی‌نین، "تروریزمین فینانسمانی‌نین سونلاندیریلماسی" اولدوغو ایفاده ائدیلدی.
آمریکا پرزیدنتی ترامپین، چین دولت باشقانی شی جینپینگ و ژاپون باش ناظیری شینزو آبه ایله تلفوندا آیری-آیری گؤروشه‌رک "قوزئی کوره‌نین یاراتدیغی تهدیدلری" اله آلدیغی بیلدیریلدی.
آغ ائو، ترامپ ایله شی و آبه آراسین‌داکی تلفون دانیشیق‌لارینا دایر یازیلی آچیقلاما ائتدی.
آچیقلامادا ترامپین "قوزئی کوره‌نین یاراتدیغی نوکلئر و بالیستیک موشک تهدیدیله" باغلی ناراحات‌لیق‌لارینی شی‌یه سؤیله‌یین، ایکی لیدرین ده کوره یاریماداسی‌نین نوکلئر سیلاح‌لاردان تمیزلنیلمه‌سی‌دیر اهمیتینه وورغو ائتدیگی ایفاده ائدیلدی.
ترامپین بوتون تیجاری اورتاقلاری داها بالانس‌لی بیر باغلتی یاراتما نقطه‌سین‌دکی دایانیق‌لی‌لیغینی ایفاده ائتدیگی آنلادان آچیقلامادا، ایکی لیدرین آلمانیانین هامبورگ شهرینده کئچیریله‌جک جی-20 ایجلاسیندا گؤروشه‌جک‌لرینی ایشاره ائدیلدی.
آبئ ایله ده آیریجا گؤروشن ترامپین قوزئی کوره‌نین بؤلگه‌یه میدانا گتیردیگی تهدیده دقت چکدیگی و آمریکا ایله ژاپون آراسین‌داکی اتفاقین هر جور تهدیده قارشی حاضیر اولدوغونو دیله گتیردیگی ایفاده ائدیلدی.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
