"آمریکا سوریهیه حربی مداخلهلره حاضیرلانیر"
روسیا خاریجی ایشلر باخانلیغی سؤزچوسو، آمریکانین "سوریه حکومتینین یئنی بیر شیمیایی سالدیرییا حاضیرلاندیغی یولونداکی تخریباتچی ادعاسینین نه یئنی نه ده اوریژینال" اولدوغونو ایفاده ائتدی
روس یؤنهتیمی، آمریکانین سوریهیه حربی مداخلهلره حاضیرلاندیغینی اؤنه سوردو.
روسیا خاریجی ایشلر باخانلیغی سؤزچوسو ماریا زاخارووا، آمریکانین "سوریه حکومتینین یئنی بیر شیمیایی سالدیرییا حاضیرلاندیغی یولونداکی تخریباتچی ادعاسینین نه یئنی نه ده اوریژینال" اولدوغونو ایفاده ائتدی.
زاخارووا؛
"بو، سوریهیه قارشی یئنی بیر حربی مداخیلهنین ایشارهسی. آمریکانین سوریهده اویغولایابیلهجگی استراتژینین تیپیک بیر پارچاسی" دئدی.
بو 'تحریباتچی ادعانین' یالنیز دمشقه دئییل، عینی زاماندا موسکوایا دا قارشی بیر آچیقلاما اولدوغونو سؤیلهین سؤزچو، دایاناغینین نه اولدوغونو ایسه بیلمهدیکلرینی قید ائتدی.
آمریکان ساوونما باخانلیغی (پنتاگون)، اؤنجهکی گون، سوریه رژیمینین شعیرات هاوا مرکزینده یئنی و بؤیوک بیر شیمیایی سالدیرییا حاضیرلاندیغینی تثبیت ائتدیکلرینی بیلدیرمیشدی.
فرانسا پرزیدنتی امانوئل مکرون و آمریکا پرزیدنتی دونالد ترامپ، قونویلا ایلگیلی تلفن دانیشیقلاریندا، سوریهده شیمیایی سالدیری گرچکلشمهسی حالیندا هماهنگ شکیلده اورتاق قارشیلشق وئرمه قراری آلمیشدیلار.
ایلگیلیلی خبرلر
یول قیراغیندا ۱۰ نفرین جسدی تاپیلدی
مکزیده آکاپولکو شهریندهکی املیانو زاپاتا محلهسینده، چوخ ساییدا جسد تاپیلدیغی بیلدیریلدی