"روسیا، ایران و ترور دونیانین ان بؤیوک تهلوکهلری"
مایک پنس: روسیانین سرحدلرینی گوج قوللاناراق یئنیدن چئکمهیه چالیشماسی، ایرانین اورتادغونو استیقرارسیزلاشدیرما گیریشیملری، هر یئره سیچرایابیلهجک اولوسلارآراسی ترور تهدیدی
آمریکا باشقانی کؤمکچیسی مایک پنس، روسیا، ایران و ترورو دونیانین ان بؤیوک تهلوکهلری اولاراق دگرلندیردی.
آتلانتیک شوراسیندا دانیشان پنس،
"روسیانین سرحدلرینی گوج قوللاناراق یئنیدن چئکمهیه چالیشماسی، ایرانین اورتادغونو استیقرارسیزلاشدیرما گیریشیملری، هر یئره سیچرایابیلهجک اولوسلارآراسی ترور تهدیدی ... بوتون بونلار، کمونیزمین دؤرددهبیر عصر اؤنجهکی چؤکوشوندن بری دونیانین ان تهلوکهلی دؤورونده اولدوغونو گؤستریر" دئدی.
آمریکانین، بو تهلوکهلرله مباریزه اوچون ناتو چرچیوهسینده بوتون مسئولیتلرینی یئرینه یئتیرمهیه و متفیقلرینه یاردیم ائتمهیه حاضر اولدوغونو ایفاده ائدن پنس، هر هانسی بیر ناتو عضوونه سالدیرینین بوتون عضولره ائدیلمیش بیر سالدیری اولاجاغی پرینسیپینه باغلی اولدوقلارینی وورغولادی.
پنس،
"اسکی و یئنی دوشمنلر آرتارکن، متفیقلریمیز بو گونون و یارینین تهدیدلرینه قارشی قویماق اوچون گلیشمهیه داوام ائتمهلی" دئدی.